CƏMİYYƏT
Cəmiyyətin həyatında baş verən aktual hadisələr

Qiymətə görə şagirdlər sinifdə saxlanmayacaq

© Sputnik / Murad Orujov20 nömrəli məktəbdə tədris prosesi
20 nömrəli məktəbdə tədris prosesi - Sputnik Azərbaycan
Abunə olmaq
"Dərslər distant və ya adi qaydada olsa da, şagirdlərin qiymətləndirilməsi həyata keçiriləcək""Dərslər distant və ya adi qaydada olsa da, şagirdlərin qiymətləndirilməsi həyata keçiriləcək"

BAKI, 30 oktyabr — Sputnik. "Təhsil onlayn qaydada davam etdirildiyindən şagirdlərin növbəti il üçün eyni sinfi təkrar oxumasına ehtiyac yoxdur".

Sputnik Azərbaycan-ın məlumatına görə, bu sözləri nazir bu gün keçirilən brifinqdə jurnalistlərin sualını cavablandırarkən bildirib: "Artıq səkkiz aydır ki, pandemiya ilə üz-üzəyik. Əyani olmasa belə, müəllimlərin istənilən vasitə ilə şagirdlərə dərs keçmək istəyi təqdirəlayiqdir. Uşaqların növbəti il üçün sinifdə qalması nəzərdə tutulmur. Yəni, qiymət və davamiyyətə görə şagirdlərin sinifdə qalması baş verməyəcək. Hər bir şagird təhsilini davam etdirəcək".

Nazir şagirdlərin onlayn təhsil sistemində bu tədris ilində necə qiymətləndiriləcəyinə də münasibət bildirib: "Şagirdlərin naliyyətlərinin qiymətləndirilməsi üçün artıq bizdə təcrübə var. Ötən il bu onlayn qaydada keçirildi. Bu il isə fərqi yoxdur, dərslər distant və ya adi qaydada olsa da, bu qiymətləndirmə həyata keçiriləcək. Pandemiya imkan verərsə, biz daha tez ənənəvi dərs qaydalarına qayıtmağa çalışacağıq".

Xəbər lenti
0