03:43 29 Noyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
95210

Yenikənd Goranboyun dağlıq ərazidə yerləşən yaşayış məntəqələrindədir. Kənddə becərilən yerkökü burada yaşayan sakinlərin işlə təmin olunmasında xüsusi rol oynayır.

Rahim Məmmədov, Sputnik Azərbaycan

BAKI, 6 sentyabr - Sputnik. Yerkökü Goranboyun dağlıq əraziləri üçün xarakterik olmasa da, bir neçə ildir burada fərqli üsulla yetişdirilir. Xaricdən gətirlən toxum torpaqa səpildikdən sonra, suvarılması çiləmə üsulu ilə aparılır. Münbit torpaqda qənaətli su ilə yetişən yerkökü, dadı və məhsuldarlığı ilə seçilir. Əvvələr əl əməyi ilə sahələrdən toplanan bitkini, hazırda xüsusi aqreqat torpaqdan çıxarıb iri yük avtomobillərinə yükləyir. Bu həm ucuz başa gəlir, həm də fermer üçün daha rahat olur.

Yenikənd Goranboyun dağlıq ərazidə yerləşən yaşayış məntəqələrindədir. Kənddə becərilən yerkökü burada yaşayan sakinlərin işlə təmin olunmasında xüsusi rol oynayır. Sputnik Azərbaycan xəbər verir ki, torpaqda qalan az miqdarda məhsul əl əməyi ilə yığılır. Bu zaman dağ kəndlərinin sakinləri yığım işini həyata keçirib günə 13-15 manat pul qazana bilirlər. Bunu Səyyarə Süleymanova Sputnik Azərbaycan-la söhbətində bildirib.

  • Goranboyda kökün yığımı
    © Sputnik / Rahim Mammadov
  • Goranboyda kökün yığımı
    © Sputnik / Rahim Mammadov
  • Goranboyda yetişdirilmiş yerkökü
    © Sputnik / Rahim Mammadov
  • Goranboyda yerkökü yığımı
    © Sputnik / Rahim Mammadov
  • Goranboyda kökün yığımı
    © Sputnik / Rahim Mammadov
  • Goranboyda yerkökü yığımı
    © Sputnik / Rahim Mammadov
1 / 6
© Sputnik / Rahim Mammadov
Goranboyda kökün yığımı

Dağ kəndində yetişdirilən məhsul, əsasən daxili bazara çıxarılır. Təsərrüfat sahibi Şakir Hüseynov artıq “Goranboy kökü”nün öz alıcısının olduğunu deyir: 

“Dağlıq ərazidə yetişən köklə, Aran ərazidə bitən arasında fərq çoxdur. Buradakı məhsul həm keyfiyyətinə, həm də şirinliyinə görə daha yaxşıdır. Buradakı hava, su məhsulu daha da dada gətirir. Goranboy kökü artıq bazarlarda 1 nömrəli məhsul kimi tanınır və yaxşı qiymətə gedir” deyə o bildirib.

Hündürlükdə əkilən yerkökü sahələrdə quraşdırılan qurğular vasitəsi ilə rahat suvarılır. Çiləmə üsulu ilə həm də suya qənaət edilmiş olur. Toplanması isə əsasən texnikalarla aparıldığından yerkökünün maya dəyəri də az olur. Elə bu səbəbdən bazarda daha ucuz satılır. Hazırda sahələrdən toplanan yerkökü daxili bazarda 0.60-0.70 qəpiyə təklif edilir.

Əsas mövzular