20:24 23 Sentyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
28510

Havanın maksimal temperaturu sabah bu günə nisbətən daha aşağı enəcək. Paytaxtda maksimal temperatur 20-23 dərəcə intervalında dəyişəcək

BAKI, 22 avqust - Sputnik. "Ölkə ərazisindən soyuq atmosfer cəbhəsinin keçməsi ilə əlaqədar hava şəraiti dəyişib, respublikanın bir sıra rayonlarında yağış müşahidə olunur. Böyük və Kiçik Qafqazın ayrı-ayrı ərazilərində yağış leysan xarakterli və intensiv olub. Nəticədə bəzi çaylarda daşqın və sel müşahidə edilib".

Sputnik Azərbaycan-ın məlumatına görə, bunu Hidrometeorologiya Xidmətinin rəisi Umayra Tağıyeva bildirib.

"Eyni zamanda bu proses küləkli hava şəraiti ilə səciyyələnir. Xüsusən də Abşeron yarımadasında küləyin maksimal sürəti saniyədə 28 km/saniyəyə çatıb, nəticədə Xəzər dənizində dalğanın hündürlüyü 5 metrə qədər yüksəlib. Gözlənilən güclü külək haqqında xəbərdarlıq əvvəlcədən əlaqədar təşkilatlara təqdim olunub”, - xidmət rəisi əlavə edib.

Onun sözlərinə görə, qeyri-sabit hava şəraitinin sabah gün ərzində davam edəcəyi gözlənilir: “Küləyin maksimal sürəti bu gün axşam və gecə saatlarında müşahidə olunacaq. Ayın 23-ü axşama doğru küləyin sürəti bir qədər azalacaq. Rayonlarda isə yağıntılı hava şəraitinin ayın 24-dək davam edəcəyi proqnozlaşdırılır. Havanın maksimal temperaturu sabah bu günə nisbətən daha aşağı enəcək. Paytaxtda maksimal temperatur 20-23 dərəcə intervalında dəyişəcək".

Əlaqədar

Bakıya qısamüddətli yağış, rayonlara leysan yağacaq
Hava şəraiti kəskin dəyişəcək
Balakənə sel gəlib - VİDEO
Gəmiləri sığınacağa çəkdilər, liman bağlanır

Əsas mövzular