18:15 29 Sentyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
Azərbaycan karantində: nikbinlər, bədbinlər, xeyirxahlar və ixtiraçılar (373)
52403

Bakıdan işlə əlaqədar yalnız ezamiyyə vərəqi olanlar sənədləri təqdim etməklə gedə biləcəklər - Ülvi Mehdiyev

BAKI, 3 avqust — Sputnik. Operativ Qərargah icazə sistemi ləğv olunandan sonra kimlərin rayona getməsinə icazə verilməsinə aydınlıq gətirib.

Sputnik Azərbaycan bildirir ki, Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib ki, Azərbaycan ərazisində 31 avqusta qədər yerüstü və hava nəqliyyatı vasitəsilə giriş-çıxış dayandırılıb: “Sərtləşdirilmiş karantin tətbiq edilən rayon və şəhərlərdə istisnalar olmaqla, gediş-gəliş olmayacaq”.

Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev isə qeyd edib ki, Bakıdan işlə əlaqədar yalnız ezamiyyə vərəqi olanlar sənədləri təqdim etməklə gedə biləcəklər:

“Əvvəl bu, avtomatlaşdırılmış qaydada aparılırdı. İndi isə postlarda təqdim edəcəklər. Rayonlara buraxılışla bağlı, yəqin ki, Daxili İşlər Nazirliyi tərəfindən əlavə məlumat veriləcək”.

O qeyd edib ki, istənilən fəaliyyətlə məşğul olan şəxslər olduğu yeri ezamiyyə əsasında tərk edirlər: “Vəkildirsə, Vəkil bürosu, jurnalistdirsə, təmsil olunduğu KİV-in müvafiq ezamiyyəsi əsasında olduğu yeri tərk edir. Amma daha detallı məlumat veriləcək”.

Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)

Əlaqədar

Azərbaycanda daha 647 nəfər COVID-19-dan sağalıb
Hikmət Hacıyev vətəndaşları xaricə səfər etməkdən çəkindirdi
Rayonlara gediş-gəliş məsələsinə baxılacaq
Azərbaycanda karantin rejimi qismən yumşaldılır - DETALLAR
Evlənmək, nişanlanmaq və ölmək qadağandır - QƏRAR

Əsas mövzular