BAKI, 20 iyul — Sputnik. "Bəzi hallarda vətəndaşlar hərarətlərini parasetamolla aşağı salaraq evdən çıxırlar".
Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin iqtisadi məsələlər üzrə köməkçisi Şahmar Mövsümov söyləyib.
O, bildirib ki, koronavirusa yoluxmuş şəxslərin xəstə olduğunu bilə-bilə evdən çıxması barədə məlumatlar var: "İnsanlar xəstə halda evdən çıxmamalıdırlar. Bəzi hallarda vətəndaşlar hərarətlərini parasetamolla aşağı salaraq evdən çıxırlar. Beləcə də xəstəliyi digər vətəndaşları yoluxdururlar. Hər kəsdən qaydalara riayət edilməsini xahiş edirik".
