CƏMİYYƏT
Cəmiyyətin həyatında baş verən aktual hadisələr

Sabah hava şimallılarla qərblilərin kefinə soğan doğrayacaq

© Sputnik / Ilham AhmadovQəbələyə güclü dolu düşüb
Qəbələyə güclü dolu düşüb - Sputnik Azərbaycan
Abunə olmaq
Sabah Abşeron yarımadasında  meteoroloji amillərin zəif və mülayim tərəddüdü gözlənilir ki, bu da  meteohəssas insanlar üçün əsasən əlverişlidir

BAKI, 2 iyun — Sputnik. Azərbaycanda  iyunun 3-də  gözlənilən hava şəraiti barədə proqnoz açıqlandı.

Milli Hidrometeorologiya Xidmətindən Sputnik Azərbaycan-a  verilən məlumata görə, sabah Bakıda  və Abşeron yarımadasında havanın yağmursuz keçəcəyi gözlənilir. Mülayim cənub küləyi əsəcək.

Havanın temperaturu  Abşeron yarımadasında gecə 20-23, gündüz  29-32, Bakıda  gecə 20-22, gündüz  30-32 dərəcə isti olacaq. Atmosfer  təzyiqi normadan aşağı 752 mm civə sütunu, nisbi rütubət gecə 70-80, gündüz  40-45 faiz təşkil edəcək. 

İyunun 3-də Azərbaycanın rayonlarında havanın əsasən yağmursuz keçəcəyi, lakin bəzi şimal və qərb rayonlarında  şimşək çaxacağı, yağış yağacağı, dolu düşəcəyi gözlənilir. Səhər bəzi yerlərdə duman olacaq, qərb küləyi ayrı-ayrı yerlərdə arabir güclənəcək. Havanın temperaturu  gecə 17-22, gündüz  33-38, dağlarda gecə 11-16, gündüz  19-24 dərəcə  isti olacaq.

Tibbi-meteoroloji proqnoz:

İyunun 3-də Abşeron yarımadasında  meteoroloji amillərin zəif və mülayim tərəddüdü gözlənilir ki, bu da  meteohəssas insanlar üçün əsasən əlverişlidir.

Xəbər lenti
0