BAKI, 26 may — Sputnik. "A-dan Z-yə veb analitika və ya yeni başlayanlar üçün veb analiz alətləri". SputnikPro maarifləndirmə layihəsi çərçivəsində keçirilən növbəti vebinarın mövzusu belə səslənir.
Onlayn sessiyanın aparıcısı "Rossiya Seqodnya" Beynəlxalq İnformasiya Agentliyinin (BİA) veb analitiki İqor Tuquşev olacaq.
İqor peşə yolunu "ADLABS" reklam agentliyində proqramçı və daha sonra veb analitik kimi başlayıb, ümumi marketinq strategiyasının işlənib hazırlanması, irəliləmə strategiyasında effektiv dəyişikliklərin edilməsi üzrə iri beynəlxalq şirkətlərlə işləyib. O, analitika sahəsində tədqiqat fəaliyyəti ilə məşğul olub.
Vebinar zamanı İqor Tuquşev veb analitikanın əsas prinsipləri, veb analiz alətləri və göstəricilərin yaxşılaşdırılması üçün onların tətbiqi yolları haqqında danışacaq.
SputnikPro-nun səkkizinci "A-dan Z-yə veb analitika və ya yeni başlayanlar üçün veb analiz alətləri" onlayn sessiyası cümə günü, mayın 29-u, saat 14:00-da keçiriləcək.
Onlayn sessiyada iştirak etmək istəyən TV və mətbuat işçiləri Sputnik Azərbaycan Beynəlxalq İnformasiya Agentliyinin mətbuat katibinin elektron ünvanına (gulzar.mustafaeva@sputniknews.com) müraciət göndərə və ya https://anketolog.ru/s/345855/FLqfVEAx ünvanında qeydiyyatdan keçə bilərlər.
Unikal ustad dərslərindən ibarət SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərin təqdim etdiyi böyük miqyaslı yeganə Rusiya layihəsidir.
Bu layihə artıq dünyanın 13 ölkəsində həyata keçirilib. 2018-ci ilin martından etibarən layihədə iki mindən çox jurnalist və mediamenecer, PR mütəxəssislər və mətbuat xidmətlərinin əməkdaşları, blogerlər və bu istiqamətdə təhsil alan tələbələr iştirak ediblər. Layihə ilə bağlı son yenilikləri "Facebook" səhifəsində izləyə bilərsiniz.
