BAKI, 25 may — Sputnik. Dünyada 5,5 milyondan çox insanın yeni növ koronavirus infeksiyasına (COVID-19) yoluxub. Sputnik Azərbaycan “Worldometers”ə istinadən xəbər verir ki, Bakı vaxtı ilə saat 05:00-a olan statistikaya əsasən, son bir sutka ərzində 96 505 nəfərdə virusa yoluxma aşkar edilib, bununla da yoluxanların ümumilikdə sayı 5 494 455 nəfərə çatıb.
Ümumilikdə virusdan ölənlərin sayı isə 346 761 nəfər olub. İndiyədək 2 303 369 nəfər sağalıb, 2 848 676 aktiv yoluxmuş xəstə var, onlardan 53 224 nəfərin vəziyyəti ağırdır.
