BAKI, 9 aprel — Sputnik. Milli Məclisin növbəti plenar iclası başlayıb.
Sputnik Azərbaycan xəbər verir ki, iclasda 6 məsələyə baxılacaq.
Azərbaycan Respublikası Nazirlər Kabinetinin 2019-cu ildə fəaliyyəti haqqında hesabatı müzakirə ediləcək. Karantin rejimi ilə əlaqədar olaraq Milli Məclisin iclasında Baş Nazir Əli Əsədovun videohesabatı dinləniləcək.
Elman Rüstəmovun Mərkəzi Bankı İdarə Heyətinin üzvü vəzifəsinə təyin edilməsi haqqında məsələyə baxılacaq.
"Azərbaycan Respublikası Milli Məclisi deputatının statusu haqqında", "Azərbaycan Respublikası Milli Məclisinin komitələri haqqında" qanunlarda, "Azərbaycan Respublikası Milli Məclisinin Daxili Nizamnaməsi"ndə dəyişikliklərə baxılacaq.
"Böyük Vətən Müharibəsində Qələbənin 75 illiyi (1945-2020)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanunda dəyişiklik müzakirə ediləcək.
