09:34 06 İyun 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
Azərbaycanda koronavirus: son xəbərlər (90)
27610

"İşləmək üçün icazəsi olan vətəndaş öz avtomobilindən istifadə etməkdə sərbəstdir" - İbrahim Məmmədov

BAKI, 4 aprel — Sputnik. "İndiyə qədər tənha vətəndaşlara xidmət etmiş şəxslər öz xidmətlərini davam etdirə bilər".

Sputnik Azərbaycan xəbər verir ki, bu barədə Nazirlər Kabinetinin mətbuat katibi İbrahim Məmmədov bildirib.

O qeyd edib ki, belə xidmətçilər fəaliyyətlərini davam etdirə bilərlər. Nazirlər Kabinetinin 30 mart 2020-ci il tarixli 120 №li Qərarında buna icazə verilir: "4. Bu Qərarın 1-ci hissəsi ilə müəyyən edilmiş müddətdə xüsusi rejim dövrünün tələblərinə əməl olunması şərtilə aşağıdakı istiqamətlərdə fəaliyyətin davam etdirilməsinə icazə verilir:

4.2.6. əqli qüsurlu və xüsusi qayğıya ehtiyacı olan şəxslər üçün baxıcılıq xidməti."

Sadəcə, belə xidmətçilər icaze.e-gov.az portalına daxil olub qeydiyyatdan keçməlidir.

İ.Məmmədov "Nazirlər Kabinetinin 124 nömrəli Qərarındakı 1 nömrəli Əlavəyə daxil olan qurumların fəaliyyətinə icazə verilən əməkdaşları mağaza, bank və aptekə SMS icazə ilə getməlidirlərmi?" sualını da cavablandırıb.

O bildirib ki, 1 nömrəli Əlavəyə daxil olan qurumların fəaliyyətinə icazə verilmiş işçiləri mağaza, bank və apteklərə getməkdə sərbəstdirlər.

İ.Məmmədovun sözlərinə görə, küçəyə çıxmağa icazəsi olan vətəndaşın avtomobil üçün də əlavə icazə almasına ehtiyac yoxdur. İşləmək üçün icazəsi olan vətəndaş öz avtomobilindən istifadə etməkdə sərbəstdir.

Mövzu:
Azərbaycanda koronavirus: son xəbərlər (90)

Əlaqədar

Karantin rejimində “bayram” edirdilər, gözlərindən gəldi
Jurnalistlər karantin günlərində azad hərəkət edə biləcək - RƏSMİ
Ucqar rayonlara virus maska və spirtdən tez çata bilər - SOS
Taksi fəaliyyəti ilə məşğul olmaq üçün BNA-ya müraciət edənlərin sayı kəskin artıb
DİN əlcək və maskaya görə cərimə məsələsinə aydınlıq gətirdi

Əsas mövzular