CƏMİYYƏT
Cəmiyyətin həyatında baş verən aktual hadisələr

Xaricdən sifarişləri hələlik unudun: Poçt göndərişlərinin qəbulu dayandırıldı

© Sputnik / Aleksandr Kryazhev / Mediabanka keçidРабота почты, фото из архива
Работа почты, фото из архива - Sputnik Azərbaycan
Abunə olmaq
Beynəlxalq poçt göndərişlərinin “Azərpoçt” MMC tərəfindən qəbulu və göndərilməsi yalnız avianəqliyyat vasitəsilə həyata keçirilir

BAKI, 16 mart — Sputnik. “Azərpoçt” MMC beynəlxalq poçt göndərişlərinin qəbulunu müvəqqəti olaraq dayandırır.

Sputnik Azərbaycan-ın qurumun mıtbuat xidmətinə istinadən məlumatına görə, Ümumdünya Səhiyyə Təşkilatı tərəfindən qlobal pandemiya hesab olunan koronavirus (COVİD-19) infeksiyasının yayılmasının qarşısının alınması tədbirləri çərçivəsində bir sıra ölkələr arasında hava nəqliyyatı əlaqələri məhdudlaşdırılıb və mövcud reyslər təxirə salınıb.

Beynəlxalq poçt göndərişlərinin ünvanı üzrə çatdırılması mümkün olmayacağı üçün Nəqliyyat, Rabitə və Yüksək Texnologiyalar Nazirliyi “Azərpoçt” MMC-nin tabeliyində olan poçt şöbələrində və “Şəbəkə” xidmət mərkəzlərində beynəlxalq poçt göndərişlərinin qəbulu 16 mart tarixindən müvəqqəti olaraq dayandırılır.

Xatırladaq ki, beynəlxalq poçt göndərişlərinin “Azərpoçt” MMC tərəfindən qəbulu və göndərilməsi yalnız avianəqliyyat vasitəsilə həyata keçirilir.

Xəbər lenti
0