BAKI, 22 fevral — Sputnik. Bu gün saat 07:05-də Qobustan stansiyasından 32 kilometr cənub-qərbdə Hacıqabul ərazisində zəlzələ qeydə alınıb.
Sputnik Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir ki, zəlzələ 3,3 maqnitudada qeydə alınıb. Zəlzələ ocağı 4 kilometr dərinlikdə yerləşib.
Saat 08:22-də həmin ərazidə daha bir zəlzələ qeydə alınıb. Bu dəfə yeraltı təkan 3,4 maqnitudada və 4 kilometr dərinlikdə olub.
Təkanların heç biri hiss olunmayıb.
