08:53 01 Aprel 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
20 0 0

"Məsələn, Vyanada STQ ilə işləyən avtobuslar, ümumiyyətlə, yoxdur. Amma bizdə 2200 avtobusdan 600-ü artıq STQ ilə fəaliyyət göstərir"

BAKI, 18 fevral — Sputnik. Bakıda sərnişindaşıma ilə məşğul olan sahibkarlar qarşısında avtobusların gətirilməsində ekoloji tələb qoyulub. Sputnik Azərbaycan-ın məlumatına görə, bu barədə bu gün Bakı Nəqliyyat Agentliyinin İdarə Heyətinin sədri Vüsal Kərimli prezidentin qəbulunda olarkən məlumat verib: "Bizim gətirdiyimiz yeni avtobuslar ətraf mühitə daha az zərər verən sıxılmış təbii qazla (STQ) işləyir. Dünyanın bir sıra böyük şəhərlərində STQ ilə az sayda avtobus işləyir.

Məsələn, Vyanada STQ ilə işləyən avtobuslar, ümumiyyətlə, yoxdur. Berlində bu istiqamətdə pilot layihənin tətbiqinə başlanılıb. Moskvada 6475 avtobusdan 319-u, İstanbulda isə 3070 avtobusdan 239-u STQ ilə işləyir. Amma bizdə 2200 avtobusdan 600-ü artıq STQ ilə fəaliyyət göstərir. Daşıyıcılara da göstəriş verilib ki, STQ ilə işləyən avtobuslar gətirsinlər. Çünki benzinlə və dizel yanacağı ilə işləyən avtobuslar şəhərdə orta sürətlə hərəkət etdiyi üçün ətraf mühitə daha çox ziyan vurur. Bu il üçün daha bir yenilik müxtəlif yerlərdə avtobuslar üçün habların yaradılması olacaq. Siz keçən ilin sentyabr ayında "Koroğlu" habının açılışında bu barədə tapşırıq vermisiniz".

Əlaqədar

İctimai nəqliyyatda daha bir yeniliyin tətbiqinə başlanılıb - FOTO
Bakıda yeddi marşrutun taleyi həll olunur
Hər şey ani olacaq, məlumatda dəyişikliyə icazə yoxdur
İndi onlar da mənzil başına rahat çatacaqlar - FOTO
İlham Əliyev: "İnsanların yola sərf edəcəyi vaxt azaldılmalıdır"

Əsas mövzular