CƏMİYYƏT
Cəmiyyətin həyatında baş verən aktual hadisələr

Təbiətin mülayimliyi bizə baha başa gələcək - Bu il yerli meyvədən əl üzməli olacağıq

© Sputnik / Ilham MustafayevMülayim hava şəraiti nəticəsində ağaclar quruyur
Mülayim hava şəraiti nəticəsində ağaclar quruyur - Sputnik Azərbaycan
Abunə olmaq
Mülayim hava şəraiti nəticəsində ağaclar qış yuxusuna getməyərək yorulur, ziyanvericilər isə onların qurumasına və məhsul verməməsinə səbəb olur

İlham Mustafayev, Sputnik Azərbaycan

BAKI, 19 yanvar - Sputnik. Qış ayları olmasına baxmayaraq, havaların mülayim keçməsi Azərbaycanın Qərb bölgəsinə öz mənfi təsirlərini göstərməkdədir. Qar, şaxta olmadığından, ağac qabığında həşəratlar inkişaf edərək çoxalır, bundan əlavə, isti hava onların qış yuxusuna getməsinə mane olur. Nəticədə istirahət edə bilməyən ağaclar yaz fəslinədək yorulur, ziyanvericilər isə onların qurumasına və məhsul verməməsinə gətirib çıxarır. Bu da bağbanların narahatlığına səbəb olur. Sputnik Azərbaycan-ın bölgə müxbiri mövcud havanın bağçılığa mənfi təsiri və bu təsirlərdən yaxa qurtarmağın üsullarını araşdırıb.

© Sputnik / Ilham MustafayevMülayim hava şəraiti nəticəsində ağaclar quruyur
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Mülayim hava şəraiti nəticəsində ağaclar quruyur

Qazax rayonunun Qarapapaq kəndindən olan təsərrüfatçı Arzuman Xasməmmədli mülayim hava şəraitində ziyanvericilərin daha sürətlə artdığını və  bunun ağacların qurumasına səbəb olduğunu deyib:

© Sputnik / Ilham MustafayevQazax rayonunun Qarapapaq kəndindən olan təsərrüfatçı Arzuman Xasməmmədli
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Qazax rayonunun Qarapapaq kəndindən olan təsərrüfatçı Arzuman Xasməmmədli

“Artıq ikinci ildir ki, iqlim mövsümə uyğun olmadığından bağlarda ağaclar quruyur. Bu cür hava şəraitində ziyanvericilər sürətlə artır. Ağac qabıqları arasında öz sürfələrini tökən həşəratlar bütün bağ meyvələrinə ziyan vurur. Bundan əlavə, uzun müddətdir yağıntının olmaması da ağacların qurumasını sürətləndirir”, - deyə bağ təsərrüfatçısı bildirib.

© Sputnik / Ilham MustafayevMülayim hava şəraiti nəticəsində ağaclar quruyur
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Mülayim hava şəraiti nəticəsində ağaclar quruyur

İsrtənilən halda məhsul qıtlığının qaçılmaz olduğunu deyən fermer, əsas məqsədinin ağacların qurumasının qarşısını almaq olduğunu bildirib.

Ağstafa rayon Qarahəsənli kəndindən olan bağban Süleyman Babayev də bitkilərdə xəstəliklərin sürətlə artmasından gileylənib. Xəstəliyin ən çox şaftalı və ərik ağaclarında, həmçinin qarağat kollarında müşahidə edildiyini vurğulayan bağban, bununla mübarizə üsullarından da danışıb:

© Sputnik / Ilham MustafayevAğstafa rayon Qarahəsənli kəndindən olan bağban Süleyman Babayev
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Ağstafa rayon Qarahəsənli kəndindən olan bağban Süleyman Babayev

“Ən azı 10 gün şaxta olmalıdır ki, ziyanvericilərin artımının qarşısı alınsın, məhsuldarlığa çox təsir göstərməsin. Ziyanvericiləri qırmaq, ağacları qurumağa qoymamaq üçün normalda olduğundan bir neçə dəfə artıq dərman vurmağa məcbur oluruq. Bu da əlavə xərclərə gətirib çıxarır”, - deyə təsərrüfat sahibi bildirib.

O, həmçinin qeyd edib ki, bəzən heç vurulan dərmanların da təsiri olmur. Dərmanları isə internetin və satıcıların köməyi ilə əldə edirlər. Fermer zərərlərdən qaçmaq üçün aidiyyatı təşkilatların mütəxəssislərinin bağçıları düzgün dərman vasitələrindən istifadə haqda təlimatlandırmasını məqsədəuyğun sayır.

© Sputnik / Ilham MustafayevMülayim hava ağacların erkən çiçəklənməsinə səbəb olur
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Mülayim hava ağacların erkən çiçəklənməsinə səbəb olur

Bu cür vəziyyətlərdə fermerlərin hansı üsullardan yararlana biləcəyini öyrənmək üçün Sputnik Azərbaycan Qazax Dövlət Aqrar İnkişaf Mərkəzi-nin bitkiçilik sektorunun müdiri Barat Vəliyevə müraciət edib. Mütəxəssis uzun müddət davam edin yağmursuzluğun və mülayim hava şəraitinin meyvə ağaclarına mənfi təsirinin çoxluğunu təsdiq edib. Lakin o, bundan çıxış yollarının da olduğunu bildirib:

© Sputnik / Ilham MustafayevQazax Dövlət Aqrar İnkişaf Mərkəzinin bitçilik sektorunun müdiri Barat Vəliyev
Təbiətin mülayimliyi bizə baha başa gələcək - Bu il yerli meyvədən əl üzməli olacağıq - Sputnik Azərbaycan
Qazax Dövlət Aqrar İnkişaf Mərkəzinin bitçilik sektorunun müdiri Barat Vəliyev

“Hazırkı şəraitdə onu deyə bilərəm ki təsərrüfat sahibləri imkan daxilində donmuş və sonra donu açılmış sudan istifadə etsinlər. Ağacların dibini belləsinlər, budama aparsınlar, peyin, gübrə versinlər ki, ağaclar gücdən düşməsin”, - deyə mütəxəssis öz məsləhətini verib.

Sektor müdiri fermerlərin hər hansı bir çətinliklə üzləşdiyi təqdirdə rayonlar üzrə DAİM-in mütəxəsislərinə müraciət edə biləcəklərini əlavə edib.

Xəbər lenti
0