CƏMİYYƏT
Cəmiyyətin həyatında baş verən aktual hadisələr

Nazirlik meşələrdə də ağac əkəcək

CC0 / G Lady / ForestÇəpərlənmiş meşə
Çəpərlənmiş meşə - Sputnik Azərbaycan
Abunə olmaq
Ekologiya və Təbii Sərvətlər Nazirliyi (ETSN) tərəfindən elm xadimlərinin və ictimaiyyət nümayəndələrinin iştirakı ilə 14 dekabr 2019-cu il tarixində Masallı rayonununda dəyirmi masa və ağacəkmə aksiyası keçiriləcək

BAKI, 13 dekabr — Sputnik. Təbiətşünaslıq və ekologiya sahəsində Azərbaycan elminə və təbiətinə əvəzsiz töhfələr vermiş akademik Həsən Əliyevin Azərbaycanda, o cümlədən Abşeron yarımadasında meşəcinsli və meyvə ağaclarından ibarət meşə zolaqlarının salınmasında misilsiz xidmətlərini nəzərə alaraq Ekologiya və Təbii Sərvətlər Nazirliyi (ETSN) tərəfindən elm xadimlərinin və ictimaiyyət nümayəndələrinin iştirakı ilə 14 dekabr 2019-cu il tarixində Masallı rayonununda dəyirmi masa və ağacəkmə aksiyası keçiriləcək. Bu barədə ETSN-in mətbuat xidmətindən məlumat verilib.

Qeyd edək ki, görkəmli alim Həsən Əliyev Azərbaycanda insan və təbiət münasibətlərinə yeni baxış sisteminin formalaşdırılmasında, yerli meyvə sortlarının arealının genişləndirilməsi və meşə massivlərinə inteqrasiyasının təşkilində, yeni yaşıllıqların salınmasında mühüm xidmətləri ilə gələcək nəsillərə örnək olub. Tədbirlərin keçirilməsində də məqsəd ölkəmizdə ətraf mühitin sağlamlaşdırılmasına, yeni meşə zolaqlarının salınmasına böyük önəm vermiş görkəmli alim Həsən Əliyevin xatirəsini yad etmək, onun ətraf mühit sahəsində qoyduğu irsi davam etdirmək, insanlar arasında təbiətə olan qayğı hissini təbliğ etməkdir.

Xəbər lenti
0