09:27 25 Noyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
78111

Azərbaycan Əmək və Əhalinin Sosial Müdafiəsi Nazirliyi "Valideyn himayəsindən məhrum olmuş uşaqların övladlığa götürülməsi qaydaları"nı ictimai müzakirəyə təqdim edib

BAKI, 7 dekabr — Sputnik. Azərbaycanda hansı xəstəlikləri olan şəxslərin övladlığa uşaq götürməsinin qadağan ediləcəyi açıqlanıb.

Sputnik Azərbaycan Əmək və Əhalinin Sosial Müdafiəsi Nazirliyinə istinadla xəbər verir ki, "Valideyn himayəsindən məhrum olmuş uşaqların övladlığa götürülməsi qaydaları" ictimai müzakirəyə təqdim edilib.

Sənədin 4-cü bəndində övladlığa götürməyə icazə verilməyən xəstəliklərin adları açıqlanıb.

Belə ki, bu xəstəliklərdən biri və ya bir neçəsinin daşıyıcısı olan şəxslər tərəfindən uşağın övladlığa götürülməsinə icazə verilmir:

- Vərəm (aktiv və xroniki) - lokalizasiyasından asılı olmayaraq, I, II və V qrup dispanser qeydiyyatında olan xəstələr;

- daxili orqanların, sinir sisteminin, dayaq-hərəkət aparatının xəstəlikləri - dekompensasiya mərhələsində olan xəstələr;

- bədxassəli onkoloji xəstəliklər – III və IV mərhələ;

- narkomanlıq, toksikomanlıq, xroniki alkoqolizm;

- infeksion xəstəliklər - dispanser qeydiyyatından çıxarılana qədər olan xəstələr;

- ruhi xəstəliklər - məhkəmə qaydasında fəaliyyət qabiliyyəti olmayan və ya məhdud fəaliyyət qabiliyyətli hesab edilən şəxslər;

- Əmək qabiliyyətini itirməklə I və II dərəcə əlilliyə gətirib çıxaran bütün travmalar və xəstəliklər.

Qeyd edək ki, "Valideyn himayəsindən məhrum olmuş uşaqların övladlığa götürülməsi qaydaları" layihəsi Əmək və Əhalinin Sosial Müdafiəsi Nazirliyinin rəsmi portalında dərc olunub. Beləliklə, hər kəs sənədi oxuyaraq rəy və təkliflərini yaza bilər.

Əlaqədar

Övladlığagötürmə qaydalarından xoşunuz gəlmirsə, təklifinizi verin
Prosesə start verildi: Övladlığa verilmə ilə bağlı müraciətlərin qəbuluna başlanıb
Bankda pul və yaş senzi: Övladlığa götürmə sisteminin detalları açıqlandı
Ya ikiqat pulunu ver, ya da ölkədən çıxma - aliment ödəməyənlərin işi çətinləşir
Əməlləri ilə özlərinə cəza kəsdilər: Onlar uşaq sahibi ola biməyəcəklər

Əsas mövzular