CƏMİYYƏT
Cəmiyyətin həyatında baş verən aktual hadisələr

Gələn ilin bayram günləri müəyyən edildi

© Sputnik / Anar MustafayevРабочее место в офисе, фото из архива
Рабочее место в офисе, фото из архива - Sputnik Azərbaycan
Abunə olmaq
Gələn il Novruz bayramını beş, Ramazan və Qurban bayramlarını iki gün qeyd edəcəyik. Azərbaycan Respublikası Əmək Məcəlləsinin 105-ci maddəsinin 2-ci hissəsinə əsasən, bu Sərəncamda nəzərdə tutulan günlər iş günü hesab edilmir

BAKI, 2 dekabr — Sputnik. Azərbaycan Respublikasının Baş Naziri Əli Əsədov 2020-ci il üçün Novruz, Ramazan və Qurban bayramları günlərinin müəyyən edilməsi haqqında Sərəncam imzalayıb.

Nazirlər Kabinetinin mətbuat xidmətindən Sputnik Azərbaycan-a verilən məlumata görə, Sərəncamda deyilir ki, Azərbaycan Respublikası Əmək Məcəlləsinin 105-ci maddəsinin 4-cü hissəsinə və “Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli 489 nömrəli Fərmanının 2-ci hissəsinə əsasən, 2020-ci il martın 20, 21, 22, 23, 24-ü Novruz bayramı, mayın 24, 25-i Ramazan bayramı, iyulun 31-i, avqustun 1-i Qurban bayramı günləri müəyyən edilsin.

Azərbaycan Respublikası Əmək Məcəlləsinin 105-ci maddəsinin 2-ci hissəsinə əsasən, bu Sərəncamda nəzərdə tutulan günlər iş günü hesab edilmir.

Xəbər lenti
0