BAKI, 25 noyabr — Sputnik. Daşkəsən Rayon Polis Şöbəsinin Dövlət Yol Polis Bölməsinə yeni rəis təyin edilib.
Sputnik Azərbaycan xəbər verir ki, bu barədə Daxili İşlər naziri, general-polkovnik Vilayət Eyvazov əmr imzalayıb.
Məlumata görə, bu vəzifəyə polis mayoru İldırım Əliyev təyin olunub. İ.Əliyev əvvəl Şəmkir Rayon Polis Şöbəsində şəxsi heyət üzrə köməkçi vəzifəsində işləyib.
Xatırladaq ki, İldırım Əliyevdən öncə bu vəzifədə polis kapitanı Rufan Həsənov çalışırmış.
