Eldar Tanrıverdiyev, Sputnik Azərbaycan
BAKI, 14 oktyabr - Sputnik. Azərbaycan və Qazaxıstan qarşılıqlı vizasız səfərlər haqqında razılaşmaya dəyişikliklərin edilməsinə dair protokol imzalayıblar. Sputnik Azərbaycan xəbər verir ki, müvafiq sənəd Türkdilli ölkələrin Xarici İşlər Nazirlərinin Şurası çərçivəsində imzalanıb.
Sənəddə Qazaxıstan və Azərbaycan vətəndaşlarına müvafiq olaraq bu ölkələrin ərazisində qalma müddəti 30 gündən 90 günə qədər artırılması nəzərdə tutulur, həmçinin bu sənəd həmin vətəndaşların 30 günə qədər rəsmi orqanlarda qeydiyyata düşməkdən azad edir.
Razılaşmaya dəyişikliyin edilməsinə dair protokol Azərbaycan xarici işlər naziri Elmar Məmmədyarov və Qazaxıstanən daxili işlər naziri Erlan Turqumbayev tərəfindən imzalanıb. Dəyişikliklər müvafiq ölkələrin parlamentləri tərəfindən ratifikasiya olunduqdan sonra qüvvəyə minəcək.
