BAKI, 27 sentyabr — Sputnik. Azərbaycan Turizm Bürosu 27 sentyabr - Ümumdünya Turizm Günü ilə əlaqədar hazırlanmış yeni saytını istifadəyə verib. Bu barədə Sputnik Azərbaycan-a Azərbaycan Turizm Bürosundan məlumat verilib. Xəbərdə bildirilir ki, Azərbaycanda turistlərin daha rahat istirahəti və səyahəti üçün müvafiq davranış qaydalarını əhatə edən http://turizmeqosul.az saytı sosial mediada rəqəmsal bannerlər vasitəsilə təbliğ olunacaq. Sosial media istifadəçiləri rəqəmsal bannerlər vasitəsilə sayta keçid edəcək və burada nümayiş olunacaq beş mühüm davranış qaydası ilə tanış olacaqlar. Bu qaydalar sırasında gülümsəmək, ehtiyac yarandıqda yardım etmək, ətrafı zibilləməmək, müxtəlif mədəniyyətlərə tolerant olmaq və milli, cinsi və digər göstəricilərindən asılı olmayaraq hər kəsə hörmətlə yanaşmaq kimi mühüm qaydalar illüstrasiyalar şəklində çatdırılacaq. Layihənin məqsədi yerli insanların turistlərlə münasibətlərinin müxtəlif istiqamətlər üzrə təkmilləşdirilməsi, bununla da turistlərin ölkəmizdən məmnunolma səviyyəsinin daha da artırılmasına nail olmaqdır. Layihə BMT-nin Ümumdünya Turizm Təşkilatının 2019-cu il üçün seçdiyi "Turizm və işlər: hər kəs üçün parlaq gələcək" mövzusu əsas götürülərək ərsəyə gətirilib.
Azərbaycanda maraqlı sayt yaradıldı
14:28 27.09.2019 (Yenilənib: 22:30 16.11.2021)
© Pexels Negative Space
Abunə olmaq
Sosial media istifadəçiləri rəqəmsal bannerlər vasitəsilə sayta keçid edəcək və burada nümayiş olunacaq beş mühüm davranış qaydası ilə tanış olacaqlar
