11:19 18 Noyabr 2019
Canlı yayım
  • USD1.7000
  • RUB0.0267
  • EUR1.8804
Bayıl sürüşmə zonası

Başımız üzərində asılan qılınc – "Sürüşmə mövsümü" başlayır

© Photo: REPORT
CƏMİYYƏT
Qısa URL
48 0 0

Əziz Qaralov: “Əgər yağıntılar artsa, yamacda asılı qalmış torpaq kütlələri lokal şəkildə sürüşəcək”

İradə Cəlilova, Sputnik Azərbaycan

BAKI, 19 sentyabr — Sputnik. "20-ci sahə ilə Badamdar istiqamətinə gedən yolun sol hissəsində olan sürüşmə zonasında gərginlik davam edir. Yəni keçən il vəziyyət necə idisə, elə də qalıb, heç bir dəyişiklik müşahidə olunmur".

Ağsu aşırımında yol sürüşməsi
© Azerbaijan Highway State Agency.

Bu barədə Sputnik Azərbaycan-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin baş mühəndisi Əziz Qaralov danışıb.

"Yağıntılar başladıqdan sonra sürüşmə kütləsi ağırlaşa bilər və gərginlik güclənə bilər. Biz ötən həftə ərazidə olmuşuq, müşahidə aparmışıq. Ötən il qoyduğumuz mayaklarda, reperlərdə elə bir ciddi dəyişiklik müşahidə edilməyib", - deyə Qaralov bildirib.

Onun sözlərinə görə, yuxarı hissədə kanalizasiya sistemləri də olduğu kimi qalıb və sular təbiətə axıdılır. Bunun nəticəsində isə kütlə ağırlaşır və sürüşmə baş verir.

"Əgər yağıntılar artsa, yamacda asılı qalmış torpaq kütlələri lokal şəkildə sürüşəcək", – deyə o, bildirib.

Qeyd edək ki, Zığ sürüşmə zonası, Masazır "Zəli gölü" ətrafı, Nübar qəsəbəsi ərazisində olan sürüşmə zonalarında vəziyyət stabil olaraq qalır: "Yağışlar mövsümü gəlir. Ancaq yağıntılardan sonra sürüşmə aktivləşə bilər".

Əsas mövzular