07:41 28 Yanvar 2021
Canlı yayım
  • USD1.7000
  • RUB0.0227
  • EUR2.0665
CƏMİYYƏT
Qısa URL
1057 0 0

Açıq dənizdə dalğanın hündürlüyünün 6-8 metrədək qalxması təhlükəsi var

Zülfiyyə Quluyeva, Sputnik Azərbaycan

BAKI, 5 avqust — Sputnik. "Bakı və Abşeron yarımadasında güclü küləyin sürətinin saniyədə 30-35 metrədək güclənməsi gözlənilir. Açıq dənizdə isə dalğanın hündürlüyünün 6-8 metrədək qalxması təhlükəsi var".

Bu barədə Sputnik Azərbaycan-a Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva  məlumat verib. Onun sözlərinə görə, ölkə ərazisində bu ayın 5-dən gözlənilən güclü külək haqqında xəbərdarlıqlar tərtib olunub və bütün əlaqədar qurumlara, eləcə də KİV-ə təqdim olunub: "Xəbərdarlıqda göstərilib ki, avqustun 5-dən səhər saatlarından başlayaraq 8-nə qədər ölkə ərazisində hava şəraiti küləkli olacaq.  Küləyin maksimum sürəti bu günə, ayın 5-nə gözlənilir. 

Saçlarını külək dağıdan qız, arxiv şəkli
© AFP 2020 / Kazuhiro Nogi
Bakıda və Abşeron yarımadasında küləyin 23-28 m/san-dək, yarımadanın bəzi ərazilərində isə 30-35 m/san-dək güclənməsi gözlənilir. Abşeron yarımadasında  yerləşən Hidrometeoroloji stansiyalardan daxil olan məlumata əsasən, hal-hazırda küləyin maksimal sürəti 28 m/san təşkil edir. Dalğanın açıq dənizdə hündürlüyü 2,5 metrdir. Gün ərzində ən əlverişsiz və ən güclü külək davam edəcək.  Buna görə də açıq dənizdə dalğanın hündürlüyünün 6-8 metrədək qalxacağı gözlənilir. Sabah isə küləyin gücü azalacaq. Sürətinin saniyədə 13-18, arabir 20 metr olacağı gözlənilir. Belə havada əhali diqqətli olmalıdır. Tikinti aparılan ərazilərdən aralı keçmək tövsiyə edilir. Avtomobillərin ağacların altında saxlanılması yolverilməzdir. Çünki iri ağacların budaqları güclü küləklə əlaqədar zədələnə və qırıla bilər. Havanın küləkli olmasına görə dənizdə çimmək də məsləhət deyil".

U. Tağıyeva qeyd edib ki, mövcud hava şəraiti Bakı və Abşeron üçün xarakterikdir. Havanın dəyişməsi şimal-qərbdən hərəkət edən soyuq atmosfer cəbhəsinin ölkə ərazisindən keçməsi ilə əlaqədardır. Hazırda küləyin güclənməsi müşahidə olunur.

Əlaqədar

Hava ilə bağlı növbəti xəbərdarlıq
“Güclü küləyin fəsadlarının qarşısını almaq üçün tədbirlər görülür” – Azərişıq
Teqlər:
külək, hava proqnozu, küləkli hava, hava

Əsas mövzular