14:23 23 Avqust 2019
Canlı yayım
  • USD1.7000
  • RUB0.0259
  • EUR1.8816
Su və alkoqolsuz içkilərin istehsalı sexləri

Həvəslə alıb içdiyimiz içkilər də belə çıxdı – FOTOLAR

© Facebook / Azərbaycan Qida Təhlükəsizliyi Agentliyi
CƏMİYYƏT
Qısa URL
526 0 0

Qax, Balakən və Zaqatalada antisanitar şəraitdə alkoqolsuz içkilər istehsal edən sexlər aşkarlanıb

BAKI, 19 iyul — Sputnik. Azərbaycan Respublikasının Qida Təhlükəsizliyi Agentliyi (AQTA) ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi, istehlakçıların hüquqlarının müdafiəsi istiqamətində mütəmadi olaraq monitorinqlər həyata keçirir. Agentlikdən Sputnik Azərbaycan-a verilən xəbərə görə, aparılan monitorinqlər zamanı Agentlik əməkdaşları tərəfindən Qax, Zaqatala və Balakən rayonlarında fəaliyyət göstərən su və alkoqolsuz içkilərin istehsalı sexlərinə baxış keçirilib. Baxış zamanı texniki reqlamentlərin və qida təhlükəsizliyi sahəsində texniki-normativ hüquqi aktların tələblərinin kobud şəkildə pozulduğu aşkarlanıb.

Su və alkoqolsuz içkilərin istehsalı sexləri
Su və alkoqolsuz içkilərin istehsalı sexləri

Sexlərdə məhsul istehsalında mənşəyi məlum olmayan xammallardan istifadə edildiyi, hazır məhsulların analizlərinin aparılmadığı, istehsal prosesində istifadə olunan suyun müvafiq filtrdən keçirilmədiyi, şüşə butulkaların texnoloji prosesə, sanitar norma və qaydalara uyğun olmayan şəkildə yuyulduğu, məhsul istehsalında istifadə olunan xammalın və köməkçi materialların düzgün şəraitdə saxlanılmadığı, üzərinə istehsal tarixinin vurulmadığı və qablaşdırmaların üzərində əvvəlki istehsal tarixinin, saxlanma müddətinin qaldığı müəyyən edilib. Habelə, Qax rayonu, Qorağan kəndində yerləşən "Günəş MS" MMC-də istehsal edilmiş "H2O" və "Qax" əmtəə nişanlı suların minerallaşma dərəcəsinin müəyyən edilmədiyi təqdirdə üzərində "mineral süfrə suyu" yazıldığı məlum olub.

Su və alkoqolsuz içkilərin istehsalı sexləri
Su və alkoqolsuz içkilərin istehsalı sexləri

Aşkar edilmiş nöqsanlarla bağlı qanunvericiliyin tələblərinə uyğun olaraq aşağıdakı sexlərin fəaliyyəti məhdudlaşdırılıb:

1) Zaqatala rayonu, Çökəkoba kəndində yerləşən, fiziki şəxs Şıxlinski Fərid Zeynal oğluna məxsus "Dağ incisi" əmtəə nişanlı alkoqolsuz içkilərin istehsalı sexi

2) Qax rayonu, Xalidə Həsilova küçəsində yerləşən, fiziki şəxs Yusifli Ülvi Zəfər oğluna məxsus "Ülvi" əmtəə nişanlı alkoqolsuz içkilərin istehsalı sexi

3) Qax rayonu, Üzeyir Hacıbəyov küçəsində yerləşən, fiziki şəxs Əli Sadiq İlqar oğluna məxsus "Sadiq" və "Qax" əmtəə nişanlı alkoqolsuz içkilərin istehsalı sexi

4) Qax rayonu, Qorağan kəndində yerləşən hüquqi şəxs "Günəş MS" MMC-yə məxsus "Sevim", "H2O" və "Qax" əmtəə nişanlı su istehsalı sexi

1 / 3
Su və alkoqolsuz içkilərin istehsalı sexləri

5) Balakən şəhəri, Zərifə Əliyeva küçəsində yerləşən fiziki şəxs Mustafayev Orxan Cahangir oğluna məxsus "Zirvə" əmtəə nişanlı alkoqolsuz içkilərin istehsalı sexi

6) Balakən rayonu, Qullar kəndində yerləşən fiziki şəxs Papaxov Elman Fəxrəddin oğluna məxsus "Ləzzət" əmtəə nişanlı alkoqolsuz içkilərin istehsalı sexi

İstehsal olunan məhsullardan nümunələr götürülərək Azərbaycan Respublikasının Qida Təhlükəsizliyi İnstitutunun müvafiq laboratoriyalarına təqdim edilib.

Əsas mövzular