CƏMİYYƏT
Cəmiyyətin həyatında baş verən aktual hadisələr

Çörəyini yediyimiz daha bir sex bağlandı

Abunə olmaq
AQTA tərəfindən antisanitar şəraitdə fəaliyyət göstərən çörək sexi aşkarlanıb

BAKI, 19 iyul — Sputnik. Azərbaycan Respublikasının Qida Təhlükəsizliyi Agentliyinə (AQTA) Bakı şəhəri, Binəqədi rayonu, Yəhya Hüseynov küçəsi, ev 98 ünvanında fəaliyyət göstərən, fiziki şəxs Qəmbərov Ələkbər Zaid oğluna məxsus çörək istehsalı sexinin antisanitar şəraitdə fəaliyyət göstərməsi barədə şikayət daxil olub. Daxil olan şikayət əsasında qeyd olunan ünvanda Agentliyin əməkdaşları tərəfindən monitorinq aparılıb.

© Facebook / Azərbaycan Qida Təhlükəsizliyi AgentliyiQəmbərov Ələkbər Zaid oğluna məxsus çörək istehsalı sexi
Çörəyini yediyimiz daha bir sex bağlandı - Sputnik Azərbaycan
Qəmbərov Ələkbər Zaid oğluna məxsus çörək istehsalı sexi

Monitorinq zamanı daxil olmuş şikayət öz təsdiqini tapıb. Belə ki, qanunsuz fəaliyyət göstərən çörək sexinə ilkin baxış keçirilərkən müəssisədə sanitar-gigiyena və texniki-normativ sənədlərin tələblərinə əməl edilmədiyi aşkarlanıb.

Baxış zamanı müəyyən edilib ki, sexdə istifadə olunan xammalların mənşəyi məlum deyil, eləcə də temperatur rejimi gözlənilmədən saxlanılır, hazır məhsullar laborator analizlərdən keçirilmir və dezinfeksiya işləri aparılmadığından istehsal sahəsində gəmiricilər mövcuddur.

© Facebook / Azərbaycan Qida Təhlükəsizliyi AgentliyiQəmbərov Ələkbər Zaid oğluna məxsus çörək istehsalı sexi
Çörəyini yediyimiz daha bir sex bağlandı - Sputnik Azərbaycan
Qəmbərov Ələkbər Zaid oğluna məxsus çörək istehsalı sexi

Müəssisədə ilkin emal və soyutma sahəsi olmadığından unun ələnmədən birbaşa xəmir qarışdırıcıya töküldüyü, çörəklərin açıq hava şəraitində rəflərə yığıldığı müəyyən edilib.

Aşkar olunmuş nöqsanlar əsasında qanunvericiliyin tələbləri çərçivəsində tədbirlər görülüb və çörək istehsalı sexinin fəaliyyəti məhdudlaşdırılıb.

Xəbər lenti
0