CƏMİYYƏT
Cəmiyyətin həyatında baş verən aktual hadisələr

Bakıda keçiriləcək beynəlxalq festivala seçim müsabiqəsi başladı

© Sputnik / Murad OrujovВид на Бакинскую бухту
Вид на Бакинскую бухту - Sputnik Azərbaycan
Abunə olmaq
Bakının ev sahibliyi edəcəyi festivalda materikin, eləcə də Amerika və Avstraliyanın 55 ölkəsindən 200 yazıçı laureat adı və medallar uğrunda mübarizə aparacaq

Kamal Almuradlı, Sputnik Azərbaycan

BAKI, 2 iyul — Sputnik. Sentyabrın 30-dan oktyabrın 4-dək Bakı şəhərində keçiriləcək Avrasiya materikinin ədəbiyyat üzrə IV "LiFFt" festivallar festivalının seçim müsabiqəsinə start verilib. Müsabiqədə iştirak üçün ərizələrin qəbulu avqustun 31-dək davam edəcək.

Yemək, günəş, dəniz... Bakıda orqanik məhsullar festivalı keçirilir  - Sputnik Azərbaycan
VİDEO
Yemək, günəş, dəniz... Bakıda orqanik məhsullar festivalı keçirilir

Sputnik Azərbaycan xəbər verir ki, 18 yaşına çatmış hər bir yazar festivalın seçim müsabiqəsində iştirak edə bilər. Bunun üçün qeydiyyatdan keçərək iştirak ərizəsini doldurmaq, ingilis və rus dillərində təyin olunan həcmdə nəsr və nəzm nümunələrini münsiflər heyətinə təqdim etmək lazımdır.

Müsabiqədə iştirak şərtləri http://lifft.az/ saytında http://lifft.az/index.php/register keçidində yerləşdirilib.

Avrasiya materikinin ədəbiyyat üzrə 4-cü "LiFFt" festivallar festivalı Birləşmiş Millətlər Təşkilatının himayəsi altında, "LiFFt" Beynəlxalq Humanitar Fondu, Avrasiya Millətlər Assambleyası və Azərbaycan tərəfdən Heydər Əliyev Fondunun həmtəşkilatçılığı, Mədəniyyət Nazirliyinin təşkilati dəstəyi və Bakı Kitab Mərkəzinin tərəfdaşlığı ilə keçirilir.

"LiFFt" 98 ölkə üzrə 5 milyard əhalinin yaşadığı geniş bir ərazini əhatə etdiyindən dünyanın ən kütləvi ədəbiyyat festivallarından hesab olunur.

Xatırladaq ki, 2018-ci ildə Rusiyanın Soçi şəhərində keçirilən Avrasiya materikinin ədəbiyyat üzrə III "LiFFt" festivallar festivalında 27 ölkənin 170 yazarı arasında Azərbaycan yazıçısı Varis Yolçuyev qalib olub. Qaydalara uyğun olaraq, növbəti festival qalibin vətənində təşkil olunduğundan bu il tədbirə Bakı ev sahibliyi edəcək.

Bakılılar üçün “yeməli” bayram – paytaxtda küçə yeməyi festivalı keçirilir  - Sputnik Azərbaycan
VİDEO
Bakılılar üçün “yeməli” bayram – paytaxtda küçə yeməyi festivalı keçirilir

Dahi Azərbaycan şairi və mütəfəkkiri İmadəddin Nəsiminin 650 illik yubileyi münasibətilə festivalın Təşkilat Komitəsi IV Bakı festivalının İmadəddin Nəsiminin adı ilə bağlanması barədə qərar qəbul edib.

Qeyd edək ki, bu il Bakının ev sahibliyi edəcəyi festivalda materikin, eləcə də Amerika və Avstraliyanın 55 ölkəsindən 200 yazıçı laureat adı və medallar uğrunda mübarizə aparacaq. Seçim turuna qatılmadan festivalda birbaşa iştirak edəcək bəzi nüfuzlu dünya yazarlarının adları artıq məlumdur. Bunlar Kşiştof Zatravski (Polşa), Oljas Süleymenov (Qazaxıstan), Rikardo Seidl (Braziliya), Konstantin Kedrov-Çelışev (Rusiya), Martin Dinkov (Fransa), Aleksandr Aleksander (Almaniya), Nina Qeyde (Danimarka), Selim Azimoviç (ABŞ), İdo Netanyahu (İsrail), Massimo Madrisio (İtaliya), Viktor Klık (Avstriya), Tatyana Bonç-Osmolovskaya (Avstraliya), Aleksandr Ratkeviç (Belarus), Serhat Kabaklı (Türkiyə), Hadaa Sendao (Monqolustan), Akifumi Takeda (Yaponiya), Boris Qoldberq (Çexiya), Aron Qaal (Macarıstan), Danilo Jokanoviç (Serbiya), Valeri Kupka (Slovakiya), Olqa Svanberq (Finlandiya), Slobodan Vukanoviç (Monteneqro) və digərləridir.

Festivalda Nobel komissiyasının, beynəlxalq PEN klubun və Yazıçılar Gildiyasının nüfuzlu şəxsləri də qonaq qismində iştirak edəcəklər.

Xəbər lenti
0