CƏMİYYƏT
Cəmiyyətin həyatında baş verən aktual hadisələr

Bakıda Baş prokurorun keçmiş müavininə 7 il iş istənildi

© pixabay / succoMəhkəmə hakiminin çəkici. Arxiv şəkli
Məhkəmə hakiminin çəkici. Arxiv şəkli - Sputnik Azərbaycan
Abunə olmaq
Məmmədvəli Cəfərov bir neçə ay Baş prokurorun müavini vəzifəsində çalışıb

BAKI, 17 iyun — Sputnik. Bakı Ağır Cinayətlər Məhkəməsində dələduzluqda təqsirləndirilən Məmmədvəli Cəfərovun cinayət işi üzrə məhkəmə iclası davam etdirilib.

Sputnik Azərbaycan "Report"a istinadla xəbər verir ki, hakim Rasim Sadıxovun sədrliyi ilə keçirilən prosesdə dövlət ittihamçısı çıxış edib. O, təqsirləndirilən M.Cəfərova verilən dələduzluq ittihamının məhkəmədə sübuta yetirildiyini deyərək onun 7 il müddətinə azadlıqdan məhrum edilməsini istəyib.

Азербайджан, фото из архива - Sputnik Azərbaycan
CƏMİYYƏT
Baş Prokurorluq işdən çıxarılan polislərlə bağlı məlumat yaydı

Qeyd edək ki, ittiham aktına əsasən, Vəkillər Kollegiyasının üzvü olan M.Cəfərov zərərçəkmiş Rəşad Yusifovun etibarından sui-istifadə edərək ona qarşı külli miqdarda dələduzluq edib.

Belə ki, o, R.Yusifovun həbsdə olan atası Rəhman Yusifovu Ali Məhkəmədən azadlığa buraxdıracağını vəd verib və ondan 150 min manat pul alıb. Lakin sonradan M.Cəfərov verdiyi vədə əməl etməyib.

Zərərçəkmişin hüquq-mühafizə orqanlarına şikayəti əsasında saxlanılan M.Cəfərov barəsində Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham irəli sürülüb. İstintaq dövründə onun barəsində həbs qətimkan tədbiri seçilməyib.

Xatırladaq ki, M.Cəfərov hazırda Bakı şəhəri 13 saylı Vəkil Bürosunda fəaliyyət göstərir. Həmçinin o, Azərbaycanın mərhum prezidenti Əbülfəz Elçibəyin 4 avqust 1992-ci ildə imzaladığı sərəncama əsasən, Baş prokurorun müavini təyin edilib. M.Cəfərov bir neçə ay bu vəzifədə çalışıb.

Xəbər lenti
0