CƏMİYYƏT
Cəmiyyətin həyatında baş verən aktual hadisələr

Baş prokuror özəl xəstəxanada baş vermiş ölüm hadisəsini nəzarətə götürüb

© Photo : APAГенеральный прокурор Азербайджана Закир Гаралов
Генеральный прокурор Азербайджана Закир Гаралов  - Sputnik Azərbaycan
Abunə olmaq
Məcnun Məmmədovun həkimlərin səhlənkarlığı ucbatından vəfat etməsi barədə müraciət Mingəçevir Şəhər Prokurorluğunda araşdırılır

BAKI, 30 aprel - Sputnik. Baş prokuror özəl xəstəxanada baş vermiş ölüm hadisəsini nəzarətə götürüb. Bu barədə Sputnik Azərbaycan-a Baş Prokurorluğun Mətbuat xidmətindən məlumat verilib. 

Bildirilib ki, Mingəçevir şəhər sakini Məcnun Məmmədovun “Şəfa” özəl tibbi diaqnostik klinikasının və İcbari Tibbi Sığorta üzrə Dövlət Agentliyinin Mingəçevir Şəhər Mərkəzi Xəstəxanası Publik Hüquqi Şəxsin həkimlərinin səhlənkarlığı ucbatından vəfat etməsi barədə mərhumun qardaşı Əhməd Məmmədovun müraciəti Mingəçevir Şəhər Prokurorluğunda araşdırılır.

Azərbaycan Respublikasının Baş prokuroru araşdırmanın tam, hərtərəfli və obyektiv aparılmasının təmin edilməsi üçün diaqnostik klinikanın və Publik Hüquqi Şəxsin həkimləri tərəfindən Məclum Məmmədova düzgün diaqnoz qoyulub-qoyulmaması, aparılmış müayinələrin, habelə xəstəyə tibbi yardımın qoyulmuş diaqnoza uyğun aparılıb-aparılmamasının yüksək ixtisaslı mütəxəssislər cəlb edilməklə müəyyənləşdirilməsi məqsədilə Səhiyyə nazirinə müraciət edib. 

Xəbər lenti
0