CƏMİYYƏT
Cəmiyyətin həyatında baş verən aktual hadisələr

Bakıda konsert və atəşfəşanlıq olacaq

© Sputnik / Murad OrujovСалют в честь 10-миллионного жителя Азербайджана в Приморском национальном парке
Салют в честь 10-миллионного жителя Азербайджана в Приморском национальном парке - Sputnik Azərbaycan
Abunə olmaq
Konsertdə Azərbaycanın populyar qrupları çıxış edəcək

BAKI, 26 aprel — Sputnik. Mayın 10-da Heydər Əliyev Mərkəzinin parkında Azərbaycan xalqının ümummilli lideri Heydər Əliyevin doğum günü və Heydər Əliyev Fondunun 15 illiyi münasibətilə konsert proqramı və musiqili atəşfəşanlıq təqdim olunacaq.

© © AfişaBakıda konsert proqramı və atəşfəşanlıq olacaq
Bakıda konsert və atəşfəşanlıq olacaq - Sputnik Azərbaycan
Bakıda konsert proqramı və atəşfəşanlıq olacaq

Heydər Əliyev Fondundan Sputnik Azərbaycan-a verilən məlumata görə, konsert proqramında “Rast” qrupu və Rusiyanın “S-BROTHER-S” DJ layihəsi çıxış edəcək.

Konsertin sonunda isə musiqili atəşfəşanlıq şousu olacaq. Pirotexnik şou Azərbaycanın görkəmli bəstəkarları Üzeyir Hacıbəyli, Niyazi, Qara Qarayev, Fikrət Əmirov, Tofiq Quliyev və Müslüm Maqomayevin əsərlərinin sədaları altında təqdim ediləcək.

Tədbirə giriş sərbəstdir.

Qeyd edək ki, “Rast” qrupu 1993-cü ildə yaradılıb, bədii rəhbəri Əməkdar artist Rəşad Haşımovdur. Pop, rok, caz və milli musiqi janrlarının sintezi qrupa böyük tamaşaçı auditoriyası qazandırıb. ABŞ, Almaniya, Böyük Britaniya, Rusiya, Sinqapur, Türkiyə, İsveçrə, Mərakeş və digər ölkələrdə çıxış edib.

“S-BROTHER-S” rusiyalı əkiz qardaş – Ruslan və Sergey Smirnovlardan ibarət unikal DJ layihəsidir. 2008-ci ildən bütün Rusiyanı gəzib, Portuqaliyadan Çinədək bir çox ölkələrdə qastrollarda olub. “S-BROTHER-S” çılğın enerjisi, özünəməxus üslubu və səhnədəki ekspressiv təqdimatı ilə məşhurluq qazanıb.

Xəbər lenti
0