20:12 23 May 2019
Canlı yayım
  • USD1.7000
  • RUB0.0264
  • EUR1.8952
İstilik sistemi

Əgər üç gün hava soyuq olsa, vəziyyət kökündən dəyişə bilər

Sputnik/Murad Orucov
CƏMİYYƏT
Qısa URL
5962 0 0

"Azəristiliktəchizat" ASC istilik mövsümünü bağladı, soyuqlar isə davam edir

Zarina Orucəliyeva, Sputnik Azərbaycan

BAKI, 22 aprel — Sputnik. Azərbaycanda istilik mövsümü başa çatıb və istilik batareyaları dərhal soyuyub. Hava isə bütün ölkə ərazisində, eləcə də Bakıda nəzərəçarpacaq dərəcədə pisləşib. Paytaxt sakinləri isinmək üçün digər üsullar axtarmağa məcbur olublar.

Sputnik Azərbaycan Ekologiya və Təbii Sərvətlər Nazirliyinin Milli Hidrometeorologiya Departamentinə istinadla xəbər verir ki, aprelin 19-dan başlayaraq Bakıda hərarətölçən cihazlar (termometr) istiliyin 15 dərəcədən 9 dərəcəyə düşdüyünü göstərir və son günlər havanın hərarəti aşağı düşməkdə davam edir.

Meteoroloqların məlumatına görə, aprelin 22-də paytaxtda havanın temperaturu 8-10 dərəcə arasında dəyişib. Dağ rayonlarında isə temperatur sıfırdan yüksəkdir və beş dərəcədən yuxarı qalxmır.

Soyuqların qayıtması Bakının bir çox sakinlərinin mərkəzi istilik sisteminin söndürülməsi ilə bağlı şikayətlərini artırıb. Çünki istilik sistemləri işləmədiyindən mənzillər dərhal soyuyub və sakinlər köməkçi qızdırıcı cihazlardan - qaz sobalarından, elektrik qızdırıcılarından və kondisionerlərdən istifadə etmək məcburiyyətində qalıb.

Yaranmış vəziyyətlə bağlı Sputnik Azərbaycan-ın redaksiyası Azəristiliktəchizat ASC-nin İstilik Təchizatı Xidməti ilə əlaqə yaradıb. Sualları ASC-nin mətbuat katibi Rafiq Əliyev cavablandırıb.

O qeyd edib ki, Azərbaycan ərazisində istilik mövsümü uzun illər iqlim dəyişiklikləri müşahidə ediləndən sonra müəyyən edilib. Praktiki olaraq bütün respublika üzrə istilik mövsümü noyabrın 15-dən aprelin 15-dək davam edir. Dağlıq rayonlarda isə istilik mövsümü aprelin 30-dəkdir.

Soyuq hava şəraiti
Sputnik/ Leyla Abdullayeva

"Aprel ayı bütövlükdə isti keçib, yalnız son günlər hava soyuyub. Lakin bu istilik mövsümünü uzadacaq qədər də kritik hava deyil. Bu məsələyə yalnız o halda baxıla bilər ki, havanın orta sutkalıq temperaturu üç gün ərzində davamlı olaraq 5-8 dərəcə olsun" - deyə "Azəristiliktəchizat" ASC-nin nümayəndəsi bildirib.

O xatırladıb ki, Azərbaycanda istilik mövsümü planlaşdırıldığından tez başlayıb. Əvvəlcədən razılaşma əsasında xəstəxana və internatlara istilik 2018-ci ilin oktyabrından başlayaraq verilib. Buna görə də, idarələr istilik mövsümünü uzatmaq istəsələr, Azəristiliktəchizat ASC-yə müraciət edə bilərlər.

Əlaqədar

“Əliağa Kürçaylı-8”: istilik həm var, həm də yoxdu...
Əliyev: “Yaşayış binalarında istilik sayğaclarının quraşdırılması qeyri-mümkündür”
Bakının bəzi rayonlarında istilik böhranı yaşanır
55 dərəcəyədək özü istilik verən paltar istehsal edildi
Mənzillərə nə zaman istilik veriləcək? – Vaxt açıqlandı

Əsas mövzular