10:30 27 May 2019
Canlı yayım
  • USD1.7000
  • RUB0.0264
  • EUR1.9052
Kredit ödənişi

Problemli kreditlər üzrə kompensasiyaların ödənilməsinə başlanılır

© Sputnik / Murad Orujov
CƏMİYYƏT
Qısa URL
395 0 0

Maliyyə Nazirliyi müvafiq vəsaitlərin kredit təşkilatlarının, ləğv prosesində olan bankların və "Azərpoçt" MMC-nin AMB-dəki hesablarına köçürülməsinə başlayıb

BAKI, 19 aprel — Sputnik. Prezident İlham Əliyevin "Fiziki şəxslərin problemli kreditlərinin həlli ilə bağlı əlavə tədbirlər haqqında" 28 fevral 2019-cu il tarixli fərmanının icrası olaraq fiziki şəxslərin xarici valyutada olan kreditləri üzrə kompensasiyaların verilməsi ilə bağlı hazırlıq işləri başa çatdırılıb.

Sputnik Azərbaycan xəbər verir ki, bu barədə Maliyyə Bazarlarına Nəzarət Palatası (MBNP) və Maliyyə Nazirliyinin (MN) birgə açıqlamasında bildirilir. Qeyd olunur ki, kompensasiya ödənişinin ümumi məbləği, ödəniş ediləcək fiziki şəxslərin siyahısı və hər bir fiziki şəxsə ödəniləcək vəsaitin məbləği müəyyən edilərək hər bir fəaliyyətdə və ləğv prosesində olan kredit təşkilatı üzrə ayrılacaq vəsaitin məbləği barədə məlumat MN-ə və Azərbaycan Mərkəzi Bankına (AMB) təqdim edilib.

MBNP-nin təqdim etdiyi siyahıya uyğun olaraq, bu gündən MN müvafiq vəsaitlərin kredit təşkilatlarının, ləğv prosesində olan bankların və "Azərpoçt" MMC-nin AMB-dəki hesablarına köçürülməsinə başlayıb.

Kompensasiya alacaq şəxslərin sayı 602347 nəfərdir. Həmin şəxslərin sayının və həyata keçiriləcək bank əməliyyatlarının həcminin çoxluğunu nəzərə alaraq kompensasiya verilməsi prosesinin optimal təşkili məqsədilə MN tərəfindən kredit təşkilatlarına vəsaitlərin köçürülməsi mərhələli şəkildə MBNP ilə razılaşdırılmaqla həyata keçiriləcək.

Aprelin 22-dən vətəndaşlara kompensasiya ödənişlərinin verilməsinə başlanılacaq. Bütün ödənişlərin gələn ayın sonuna qədər yekunlaşdırılması planlaşdırılır.

Əlaqədar

Deputat: "Kredit faizlərinin azaldılması üçün iqtisadi təsir mexanizmləri yaratmaq olar"
Problemli kreditlərin həllinə dair qaranlıq məqamlar aradan qalxır - Yeni şərh
Problemli kreditlərlə bağlı yeni xəbər var - Dövlət qurumunun əməkdaşı açıqlayır
Teqlər:
kompensasiya, kredit, problem

Əsas mövzular