07:04 24 Aprel 2019
Canlı yayım
  • USD1.7000
  • RUB0.0266
  • EUR1.9126
Vüqar Abdullayev

Sosial şəbəkələrdə məşhur olan meyxanaçı həbs edilib

© Facebook / VUQAR SEDA - original
CƏMİYYƏT
Qısa URL
298 0 0

Faktla əlaqədar toplanmış materiallar hüquqi qiymət verilməsi üçün şəhər məhkəməsinə göndəriləcək

BAKI, 1 aprel — Sputnik. Hüquq-mühafizə orqanlarının əməkdaşları son günlər sosial şəbəkələrdə geniş yayılmış meyxananın müəllifi Vüqar Abdullayevi həbs edib. Bu barədə Sputnik Azərbaycan-a DİN-dən məlumat verilib.

Məlumata görə, son günlər sosial şəbəkələrdə və bəzi internet saytlarında bir nəfərin narkotikdən istifadənin açıq təbliğinə həsr etdiyi musiqili meyxananın videogörüntüsü yayılıb. Məsələ ictimai rezonans doğurub və cəmiyyətin müxtəlif təbəqələrinin haqlı olaraq böyük narazılığına və etirazına səbəb olub.

Bu səbəbdən də DİN rəhbərliyinin tapşırığına əsasən müvafiq tədbirlər həyata keçirilib. Nəticədə dediyi meyxana ilə narkotiki təbliğ edənin Sumqayıt şəhər sakini "Vüqar Səda" ləqəbli Vüqar Abdullayev olması müəyyən edilib.

O, Sumqayıt ŞPİ-nin əməkdaşları tərəfindən saxlanılıb. Onun üzərində aparılılan şəxsi axtarış zamanı "Belomorkanal" papirosuna doldurulmuş və istifadə edilməsi üçün hazırlanmış marixuana aşkar edilib. Müəyyən olunub ki, V.Abdullayev narkotik istifadəçisidir. İlkin dindirmə zamanı o həmin videonun bir neçə il əvvəl çəkildiyini, bu hərəkətlərinə görə peşman olduğunu və bir daha belə hallara yol verməyəcəyini bildirib.

Faktla əlaqədar toplanmış materiallar hüquqi qiymət verilməsi üçün şəhər məhkəməsinə göndəriləcək.

Əsas mövzular