CƏMİYYƏT
Cəmiyyətin həyatında baş verən aktual hadisələr

Dəmir yolunda “Sağlamlıq günü” keçirilib

© Sputnik / Anar MustafayevЗал ожиданий Бакинского железнодорожного вокзала
Зал ожиданий Бакинского железнодорожного вокзала  - Sputnik Azərbaycan
Abunə olmaq
Gün ərzində 63 nəfər müayinədən keçirilib

BAKI, 15 mart - Sputnik. “Azərbaycan Dəmir Yolları” Qapalı Səhmdar Cəmiyyətində Novruz bayramı münasibətilə “Sağlamlıq günü” adlı tədbir keçirilib.

QSC-dən Sputnik Azərbaycan-a verilən məlumata görə, tədbirin əsas mahiyyəti, dəmiryolçuları işindən ayrılmamaq şərtilə, onlara profilaktik baxışların keçirilməsidir.

”Azərbaycan Dəmir Yolları” QSC-nin Həkim-Sanitar Xidməti tərəfindən müəyyən olunmuş Tədbirlər Planına əsasən, dəmiryolçuların tibbi müayinəsi aparılır, onların sağlamlıq durumları barədə müvafiq məsləhətlər verilir, zərurət yarandıqda pasientlərə stasionar və ya ambulator şəraitdə daha ətraflı müayinə və müalicə aparılmaları tövsiyyə olunur. Mütəmadi olaraq keçirilən “Sağlamlıq günü” tədbirləri də görülən işlərin tərkib hissələrindəndir.

Eyni zamanda, qatarların hərəkəti ilə bağlı işçilərin ilkin və dövri tibbi müayinəsi, peşə xəstəliklərinin profilaktikası eləcə də tibb məntəqələrində reysqabağı tibbi baxışlar da həyata keçirilir.

Tədbirdə Bakı dəmir yolu xəstəxanasının 9 həkimi dəmiryolçuları müayinə edib.

Gün ərzində 63 nəfər müayinədən keçirilib, bunlardan 27 nəfəri ambulator müayinəyə cəlb olunub.

Qeyd edək ki, “Sağlamlıq günü” tədbirləri dəmir yolunun iri qovşaqlarında da təşkil olunur.

Xəbər lenti
0