16:09 23 İyul 2019
Canlı yayım
  • USD1.7000
  • RUB0.0270
  • EUR1.9027
DYP əməkdaşı

Yol polisindən sürücülərə həyati əhəmiyyətli çağırış

© Sputnik / Murad Orujov
CƏMİYYƏT
Qısa URL
266 0 0

DYP: Unutmayın ki, əlinizdəki təkcə sükan deyil, həm də özünüzün və sərnişinlərinizin həyatıdır

BAKI, 23 yanvar — Sputnik. Baş Dövlət Yol Polisi İdarəsi sürücülərə müraciət edib. Qış mövsümündə yollarda təhlükəsizliyin təmin olunması və baş verə biləcək yol qəzalarının qarşısının vaxtında alınması məqsədilə Baş DYP İdarəsi sürücülərə diqqət yetirilməli bir neçə halı təkrar xatırladır.

İdarədən Sputnik Azərbaycan-a daxil olan müraciətdə deyilir:

"Səfərə çıxmazdan əvvəl ilk növbədə avtomobilinizin texniki vəziyyətinə bir daha nəzarət edin. Hərəkət zamanı təhlükəsizlik kəmərlərini təkcə sürücülər deyil, sərnişinlərin də bağlaması mütləqdir. Kəmərlərin bağlanmaması təkcə məsuliyyət yaratmır, həm də qəfil tormozlama və ya hər hansı toqquşma zamanı insan həyatı üçün yaranan təhlükədən qoruyur.

Sürücülərə idarə etdikləri nəqliyyat vasitələrinin hərəkət sürətini hava şəraitinə uyğun seçmələri, zərurət olmadan ötmə əməliyyatı aparmamaları, qəfil manevrlər və kəskin tormazlama etməmələri tövsiyə olunur. Rayonlararası magistral yollarda təhlükəsizliyin təmin olunması şərtlərindən biri də avtomobilin texniki imkanlarından asılı olmayaraq sürət rejiminə ciddi əməl etməkdir.

Uzaq məsafəli səfər zamanı yuxusuz, yorğun, əzgin halda sükün arxasına əyləşməyin. Bir neçə saatlıq fasiləsiz hərəkətdən sonra qısa müddətə də olsa, avtomobilinizi saxlayıb istirahət edin.

Bir daha xatırladırıq ki, bunun üçün respublika əhəmiyyətli yollarda yerləşən DYP-nin stasionar postlarında yaradılan şəraitdən istifadə edə bilərsiniz.

Hörmətli sürücülər, unutmayın ki, əlinizdəki təkcə sükan deyil, həm də özünüzün və sərnişinlərinizin həyatıdır".

Əlaqədar

DYP kütləvi reydlər keçirir, cərimələnənlər var
Bakıya gələn avtomobilləri DYP postunda saxlayıblar
DYP - sürücü mübahisələrinə səbəb olan əsas suallardan birinin cavabı verildi
DYP işçiləri külli miqdarda mənşəyi bilinməyən ət aşkarlayıb
Qaydalar dəyişdi, DYP sürücülərə xəbərdarlıq edir
Teqlər:
sükan, avtomobil, sürücü, DYP, Baş Dövlət Yol Polisi İdarəsi

Əsas mövzular