CƏMİYYƏT
Cəmiyyətin həyatında baş verən aktual hadisələr

Nazirlik pensiyalarla bağlı açıqlama verdi

CC0 / Sabine van Erp / WomanÇəlikli qoca qadın əli
Çəlikli qoca qadın əli - Sputnik Azərbaycan
Abunə olmaq
Hər ayın pensiyası elə həmin ay ərzində ödənilir və hazırki yanvar ayının pensiyaları da elə bu ay ərzində tam ödəniləcək

BAKI, 15 yanvar – Sputnik. Ümumilikdə ölkəmizdə bütün aylar üzrə pensiyaların ödənişi müvafiq qrafik əsasında vaxtlı vaxtında ödənilir. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyinin mətbuat katibi Fazil Talıbov deyib.

O qeyd edib ki, eyni zamanda, hər il olduğu kimi cari ilin yanvar ayında da yeni büdcə ilinin başlanması ilə əlaqədar xərclər smetasının bölüşdürülməsi prosesi aparılır:

“Texniki xarakter daşıyan bu proses yekunlaşmaq üzrədir və pensiyaların maliyyələşdirilməsi yaxın bir neçə gündə təmin olunacaq. Məlumat üçün deyim ki, hər ayın pensiyası elə həmin ay ərzində ödənilir və hazırki yanvar ayının pensiyaları da elə bu ay ərzində tam ödəniləcək”.

Xəbər lenti
0