CƏMİYYƏT
Cəmiyyətin həyatında baş verən aktual hadisələr

"Azercell" gələn aydan qiymətləri iki dəfə bahalaşdıracaq

CC0 / Free-Photos / Cell PhoneMobil telefon, arxiv şəkli
Mobil telefon, arxiv şəkli - Sputnik Azərbaycan
Abunə olmaq
Bu barədə şirkətin yaydığı elanda bildirilir

BAKI, 11 yanvar — Sputnik. "Azercell Telecom" MMC fevralın 12-dən etibarən fakturalı və fakturasız (Sim-Sim) abunəçilər üçün SMS tariflərini 2 dəfə artırır. Sputnik Azərbaycan xəbər verir ki, bu barədə şirkətin yaydığı elanda bildirilir.

Разговор по телефону в офисе. Архивное фото - Sputnik Azərbaycan
CƏMİYYƏT
Vətəndaşlara qarşı yeni mobil fırıldaq - Aldanmayın

Qeyd olunur ki, fakturasız xətt sisteminə aid nömrələrdə mövcud olan "Azercellim", "Bizimkilər", "Hər yerə", "Gənc Sim", "Bölgə" və "Tələbə birliyi" tarifləri çərçivəsində hər SMS-in qiyməti 67 faiz artırılaraq 5 qəpik, fakturalı xətt sistemində mövcud olan "Hər yerə", "Ailə tarif", "Dövlətcell", "SOCAR" və "Mediacell" tarifləri çərçivəsində isə hər SMS-in qiyməti isə 2,5 dəfə artırılaraq yenə də 5 qəpik müəyyən edilib.

Bundan əlavə, yanvarın 23-dən etibarən "Sim kredit"də də dəyişiklik olacaq. Belə ki, "Sim kredit" üçün göndərilən sorğuya görə abonentin hesabından 5 qəpik çıxılacaq.

Abonentlər 1, 2, 3 manat məbləğində "Sim kredit" götürə biləcəklər. Abonent həmin 5 qəpik çıxıldıqdan sonra, götürdüyü 1 manata görə 1 manat 20 qəpik, 2 manata görə 2 manat 40 qəpik, 3 manata görə 60 qəpik ödəməli olacaq.

Qeyd edək ki, "Sim kredit" sorğusu əvvəllər pulsuz idi.

Xatırladaq ki, "Azercell Telecom" bu ilin əvvəlindən roaminqdə istifadə edilən interneti də 80% bahalaşdırıb.

Xəbər lenti
0