01:11 13 Noyabr 2018
Canlı yayım
  • USD1.7000
  • RUB0.0252
  • EUR1.9245
Əmək və Əhalinin Sosial Müdafiəsi Nazirliyi

Sosial xərclərimiz artırılıb

© Sputnik / Murad Orujov
CƏMİYYƏT
Qısa URL
92 0 0

Nazir müavini: "Yaşa görə pensiya alanların sayında azalma müşahidə olunur, pensiya yaşının artırılması buna təsir edib"

BAKI, 8 noyabr - Sputnik. Bu gün Milli Məclisin Əmək və sosial siyasət komitəsinin iclası keçirilir. Sputnik Azərbaycan xəbər verir ki, iclasda "Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında", "İşsizlikdən sığorta fondunun 2019-cu il büdcəsi haqqında", "Azərbaycan Respublikasında 2019-cu il üçün yaşayış minimumu haqqında", "Azərbaycan Respublikası 2019-cu il üçün ehtiyac meyarının həddi haqqında" qanun layihələri müzakirə edilir.

Əmək və əhalinin sosial müdafiəsi nazirinin müavini İdris İsayev deyib ki, bu ilin 10 ayında ölkədə muzdla işləyənlərin sayı 1 milyon 540 min nəfər olub, 3.3 milyon nəfər isə sərbəst məşğul olanlardır. Cari ilin 10 ayında Dövlət Sosial Müdafiə Fondunun gəliri 3 milyard 187 milyon manat təşkil edib. Bu, əvvəlki ilin müvafiq dövrünə nisbətən 9.7 faiz çoxdur.

İ.İsayev bildirib ki, gələn il orta aylıq əməkhaqqı 5.7 faiz artaraq 642 manata çatacaq, inflyasiya 3.8 faiz səviyyəsində nəzərdə tutulur: "Yaşa görə pensiya alanların sayında azalma müşahidə olunur, pensiya yaşının artırılması buna təsir edib".

İ.İsayev qeyd edib ki, Azərbaycanda sosial xərclər azaldılmayıb, əksinə, artırılıb, növbəti ilin dövlət büdcəsi də sosialyönümlüdür.

O, bildirib ki, ölkədə demoqrafik göstəricilər müsbətdir, əhali cavandır. 15-64 yaş arasında olan əhali 71 faiz təşkil edir. 65 yaşdan yuxarı olan əhali isə növbəti ildə 6,3 faiz təşkil edəcək.

Əlaqədar

Azərbaycana sürpriz təklif: 5 milyard avro xərcləyin, probleminiz həll olunsun
Uşaq bağçalarına ayrılan vəsaitin necə xərcləndiyi yoxlanılıb
Aylıq qazancımızın 3 faizi tutulacaq və müalicə xərclərimizin 20 faizi qarşılanacaq
Teqlər:
iclas, xərc, sosial

Əsas mövzular