CƏMİYYƏT
Cəmiyyətin həyatında baş verən aktual hadisələr

Səbailin icra başçısının əvvəlki vəzifəsinə təyinat oldu

Abunə olmaq
Əmrə əsasən, bu vəzifəyə Cəlil Bəhram oğlu Məlikov təyin edilib

BAKI, 5 noyabr — Sputnik. Mədəniyyət Nazirliyinin Bakı şəhər Mədəniyyət Baş İdarəsinə yeni rəis təyinatı olub.

Sputnik Azərbaycan "Report"a istinadla xəbər verir ki, bununla bağlı müvafiq əmr imzalanıb.

Əmrə əsasən, bu vəzifəyə Cəlil Bəhram oğlu Məlikov təyin edilib.

Qeyd edək ki, C.Məlikov 1984-cü ildə Bakı şəhərində anadan olub. 1990-2000-ci illərdə 189 nömrəli məktəbdə təhsil alıb, 2004-cü ildə isə Bakı Dövlət Universitetini “Turizm və sosial mədəni servis xidməti” ixtisası üzrə bitirib.

C.Məlikov 2002-2004-cü illərdə “Space” müstəqil teleradio şirkətində rejissor, 2004-2005-ci illərdə “ABC Construction” şirkətində satış və marketinq üzrə menecer və 2005-2006-cı illərdə “Hyatt Regency Baku” mehmanxanasında müxtəlif vəzifələrdə işləyib.

© ReportCəlil Bəhram oğlu Məlikov
Səbailin icra başçısının əvvəlki vəzifəsinə təyinat oldu - Sputnik Azərbaycan
Cəlil Bəhram oğlu Məlikov

2007-ci ildən Mədəniyyət və Turizm Nazirliyinin Turizm şöbəsində məsləhətçi, aparıcı məsləhətçi, böyük məsləhətçi, Beynəlxalq əlaqələr və mədəniyyət proqramları şöbəsində sektor müdiri və Nazirliyin Protokol sektorunun müdiri vəzifələrində çalışıb.

2018-ci ilin avqust ayında mədəniyyət nazirinin köməkçisi vəzifəsinə təyin edilib.

Azərbaycan Respublikası Prezidentinin sərancamı ilə 2016-cı ildə “Tərəqqi” medalı ilə təltif edilib.

Ailəlidir, 2 övladı var.

Xatırladaq ki, Mədəniyyət Nazirliyinin Bakı şəhər Mədəniyyət Baş İdarəsinə bu təyinatadək Vüqar Zeynalov rəhbərlik edib. O, Prezident İlham Əliyevin müvafiq sərəncamı ilə Bakı şəhəri Səbail Rayon İcra Hakimiyyətinə başçısı təyin edilib.

Xəbər lenti
0