13:26 15 Noyabr 2018
Canlı yayım
  • USD1.7000
  • RUB0.0254
  • EUR1.9274
Многоэтажный жилой дом в Баку, фото из архива

Yüzlərlə məcburi köçkün ailəsinə ev veriləcək - RƏSMİ

© Sputnik / Anar Mustafayev
CƏMİYYƏT
Qısa URL
9687 0 0

Məcburi köçkünlərin yeni mənzillərə tam şəffaflıq şəraitində və ədalətlilik prinsipləri əsasında köçürülməsini təmin etmək məqsədilə Dövlət Komitəsində müvafiq komissiya və onun tərkibində işçi qrupu yaradılıb

BAKI, 4 noyabr — Sputnik. Məcburi köçkünlərin problemləri dövlət başçısının daim diqqət mərkəzindədir.

Qaçqınların və Məcburi Köçkünlərin İşləri üzrə Dövlət Komitəsindən Oxu.Az-ın sorğusuna cavab olaraq bildirilib ki, məhz bu diqqət və qayğının nəticəsidir ki, məcburi köçkünlər üçün yeni yaşayış kompleksləri tikilib istifadəyə verilir:

“Hazırda bunların sayı 100-dən çoxdur. Bu ilin sonuna qədər 2800 ailə ev, mənzillərlə təmin ediləcək. Beləliklə, il ərzində 5700 ailə — təxminən 25 min məcburi köçkün evlə, mənzillə təmin edilmiş olacaq”. 

Məlumatda qeyd edilib ki, prezidentin təşəbbüsü ilə məcburi köçkünlərlə iş sahəsində aparılan islahatlar çərçivəsində bu ilin aprel ayından etibarən Dövlət Komitəsinin fəaliyyətinin təkmilləşdirilməsi istiqamətində tədbirlər müəyyənləşdirilib və həyata keçirilir:

“Məcburi köçkünlərin yeni mənzillərə tam şəffaflıq şəraitində və ədalətlilik prinsipləri əsasında köçürülməsini təmin etmək məqsədilə Dövlət Komitəsində müvafiq komissiya və onun tərkibində işçi qrupu yaradılıb. 

Uçotun təşkili, şəffaflığın təmin edilməsi, ədalətsizliklərin aradan qaldırılması, pozuntulara yol açan boşluqların ləğv olunması ilə bağlı qarşıya qoyulmuş tələblər yerinə yetirilir. Məcburi köçkünlər üçün tikilmiş evlərin, mənzillərin verilməsində neqativ hallara qarşı çox ciddi mübarizə aparılır və bundan sonra da aparılacaq”.

Qeyd edək ki, Prezident İlham Əliyev Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında məcburi köçkünlərlə bağlı bir sıra məsələlərə toxunub. O cümlədən, mənzillərin verilməsində neqativ halların aradan qaldırılması, şəffaflığın və ədalətliliyin təmin edilməsi ilə bağlı çox ciddi tapşırıqlar verib. 

Əlaqədar

Məcburi köçkün şəhərciyində təbii fəlakət baş verib, yaralananlar var - VİDEO
Mingəçevirdə məcburi köçkün gənc bıçaqlandı
Bərdədə məskunlaşmış məcburi köçkünün evini kim yandırmaq istəyir?
Komitə sədri məcburi köçkünün vəziyyəti ilə maraqlandı

Əsas mövzular