01:10 13 Noyabr 2018
Canlı yayım
  • USD1.7000
  • RUB0.0252
  • EUR1.9245
Ağdaş-Qəbələ yolu

Azərbaycanda turizmin inkişafı üçün böyük layihəyə imza atılır

© Sputnik / Ilham Ahmadov
CƏMİYYƏT
Qısa URL
6570 0 0

Bakı-Böyükkəsik dəmir yolundan ayrılaraq Qəbələ istiqamətinə çəkilən yeni yolda tikinti işlərinə start verilib

İlham Əhmədov, Sputnik Azərbaycan

BAKI, 4 noyabr — Sputnik. Son vaxtlar Azərbaycan dəmir yollarında təmir-bərpa işləri ilə yanaşı, yeni dəmir yol xətləri də çəkilir. Yeni çəkilən dəmir yol xətlərindən biri də Qəbələ hava limanı istiqamətinə aparılır.

Sputnik Azərbaycan-ın bölgə müxbiri xəbər verir ki, Azərbaycanda turizm mərkəzlərinə dəmir yolu çəkilişi üzrə işlər davam etdirilir. Belə ərazilərdən biri də Qəbələ rayonudur. Bakı-Böyükkəsik dəmir yolundan ayrılaraq Qəbələ istiqamətinə çəkilən yeni yolda tikinti işlərinə start verilib. Qəbələyə yol Ləki stansiyasından dönməklə çəkiləcək. Əvvəlcə Bakıdan Ləki stansiyasınadək, sonra Ləkidən sağ tərəfə, Ağdaşın ərazisindən keçməklə, Qəbələnin hava limanına qədər gediləcək. Dəmir yolunun çəkilişi üçün tikinti materialları qərb və şimal-qərb bölgəsindən gətirilir.

Прокладка новой линии от железной дороги Баку-Беюккесик в направлении Габалы
© Sputnik / Ilham Ahmadov
Bakı-Böyükkəsik dəmir yolundan ayrılaraq Qəbələ istiqamətinə çəkilən yeni yolda tikinti işləri

"Azərbaycan Dəmir Yolları" QSC-nin 11 saylı ixtisaslaşdırılmış dəmir yolu müəssisəsinin direktor müavini Şahin Cavadovun sözlərinə görə, 43 km-lik bir xətli dəmir yolunun çəkilişi zamanı 75 su ötürücü, 14 tunel və körpü salınacaq. Yolun 15-ci km-də — Ağdaş rayonu Qarağan-Şıxlar kənd ərazisində stansiya, Qəbələ hava limanı yaxınlığında isə vağzal tikiləcək.

Hazırda dəmir yol xəttinin 14-cü km-də 27 metrlik körpünün inşası aparılır. Dəmir yol xəttinin 20 km-lik məsafəsi Qəbələ rayonunda dağlıq əraziyə düşür. Sözügedən ərazidə işlərin aparılması üçün layihə hazırlanıb, torpaq sahəsi ayrılıb və ərazidə işlərə start verilib.

Ппротяженность дороги составит 43 километра
© Sputnik / Ilham Ahmadov
Yolun ümumi uzunluğu 43 kilometr olacaq

Şahin Cavadov onu da qeyd edib ki, Ləki stansiyasından Qəbələyə qədər olan ərazinin relyefi bir qədər mürəkkəbdir, dağlıq yerlər olduğundan əlverişli hava şəraitindən istifadə edərək, əsas işlər dağlıq ərazilərdə aparılır.

Dəmir yolunda tikinti işlərinin həyata keçirilməsi üçün Ağdaş ərazisində beton zavod, daş karxanası, qum və çınqıl doğrayan qurğu quraşdırılıb. Yolun çəkilişinin keyfiyyətli və sürətli aparılması üçün 170 işçi cəlb olunub ki, onların böyük hissəsi Ağdaş və Qəbələ rayonlarındandır.

Ümid edək ki, yeni çəkilən bir tərəfli dəmir yol xətti turizm potensialı olan Qəbələ rayonu üçün daha səmərəli və əlverişli olacaq.

Əlaqədar

Ölkədə turizmin inkişafı üçün mühüm addım atılıb
Kənan Quluzadə yeni turizm brendinin təqdim olunacağı tarixi açıqladı
Xəzərdə dəniz turizminin inkişafından nələr gözləmək olar - ekspert şərhi
Prezident turizmə dair önəmli qərara imza atdı
Oktyabrda Azərbaycanın yeni turizm brendi təqdim olunacaq

Əsas mövzular