05:30 13 Noyabr 2018
Canlı yayım
  • USD1.7000
  • RUB0.0252
  • EUR1.9245
Zəmi Günü

Almanlar “Zəmi Günü”ndə texnikalarını göstərdilər

© Sputnik / Musa Muradlı
CƏMİYYƏT
Qısa URL
40 0 0

Bütün maraqlananlar üçün test-drayv ( sürücü yoxlama) təşkil olunub

Musa Muradlı, Sputnik Azərbaycan

BAKI, 1 noyabr — Sputnik. Beyləqan rayonunun Türklər kəndi ərazisində Almaniyanın CLAAS şirkəti və Kənd Təsərrüfatı Nazirliyi Aqrar Elm və İnnovasiya Mərkəzinin birgə təşkilatçılığı ilə 1 noyabr - kənd təsərrüfatı işçilərinin peşə bayramına həsr edilən “Zəmi Günü” keçirilib.

Tədbirdə texnikanın innovativ imkanları göstərilib, Almaniyadan dəvət olunmuş aqrar mütəxəssislər tərəfindən südlük iribuynuzlu heyvanlar üçün düzgün yem tədarükü, Azərbaycanın iqlim və münbitlik şəraitində yüksək keyfiyyətli yemlərin istehsalı yolları ilə bağlı master-klasslar təşkil olunub. Dünyanın ən yeni silos kombaynlarından olan “YAQUAR” traktorlarının “LEMKEN” kotanları, diskatorları və əkin texnikası ilə birlikdə manevrliliyi və unikal imkanları praktik olaraq sınanıb.

Tədbiri giriş sözü ilə “CLAASS Global Sales GmbH” regional ixrac meneceri Vasili Zayder açıb. Daha sonra “PPMA GmbH&CoKGaqro”nun iqtisadçısı Bernd Henn yemin düzgün qaydada tədarük edilməsi, yüksək keyfiyyətli yemlərin hazırlanması, həmçinin texnoloji olaraq effektiv yem kombaynının seçiminin keyfiyyətli yemin əldə edilməsi üçün vacibliyi ilə bağlı təlim xarakterli master-klass keçirib.

“LEMKEN” kotanı
“LEMKEN” kotanı

“CLAAS Global SalesGmbH” məhsul meneceri Yorq Vesselman “CLAAS YAQUAR 850” kombaynının təqdimatını keçirib və silosbiçən texnika ilə işin incəliklərini göstərib, zəmidə qarğıdalı silosunun biçilməsinin özəlliklərindən danışıb. Bu zaman zəmidəki kombaynların işini tam olaraq izləyən və sənədləşdirən, müştərilərə effektiv şəkildə işgüzar proseslərini qurmağa imkan verən innovativ “CLAAS Telematics” telemetrik sistemi də təqdim edilib.

Bütün maraqlananlar üçün test-drayv ( sürücü yoxlama) təşkil olunub.

Texnikanın nümayişindən əlavə “Zəmi Günü”nün bütün dəvətli ziyarətçilərinə qeyri-rəsmi şəraitdə bir-birilə, həmçinin CLAAS şirkətinin Azərbaycandakı servis tərəfdaşı olan "4S" şirkətinin nümayəndələri ilə ünsiyyət qurmağa, məhsullar və ehtiyat hissələri ilə bağlı təfsilatlı məlumat almağa, maraq doğuran texnika ilə bağlı biznes təkliflər almağa tam imkanlar yaradılıb.

Tədbirin təşkilatçıları bildiriblər ki, “Zəmi Günü” formatlı tədbirin Azərbaycanda bu miqyasda keçirilməsi bir ilkdir. Bundan sonra da davamlı olaraq kənd təsərrüfatı sektorunda inkişaf və innovasiyaları təmin edəcək bu tip tədbirlərin keçirilməsi planlaşdırılır.

Əlaqədar

Ucqar kəndimizdə böyük uğur: Məzunlar 100 faizlik nəticə qazanıblar
Bölgədə gərgin durum yaranıb, kənd sakini çıxılmaz vəziyyətə düşüb
Kəndlinin planı alt-üst olub: Gözlərini ona dikmişdilər...
Professor: “Kənd təsərrüfatının inkişafı üçün aqroparkların yaradılması zəruridir”
Teqlər:
tədbir, kombayn, texnika, Almaniya, Kənd Təsərrüfatı Nazirliyi

Əsas mövzular