02:04 16 Noyabr 2018
Canlı yayım
  • USD1.7000
  • RUB0.0254
  • EUR1.9274
Yumurta fabriki, arxiv şəkli

Marketlərdə qəribə qıtlıq: Toyuqlarımız tətil etməyib, amma yumurta da yoxdur

© Sputnik / Yegor Yeremov
CƏMİYYƏT
Qısa URL
4912 0 0

Respublika Quşçular Cəmiyyətinin sədrinin sözlərinə görə, Azərbaycanda yumurta istehsalı nəyinki tələbatı ödəməyə, hətta bu məhsulu qonşu ölkələrə ixrac etməyə imkan verir.

Fuad Əlizadə, Sputnik Azərbaycan

BAKI, 15 oktyabr — Sputnik Azərbaycan. Azərbaycanda yenidən yumurta qıtlığı yaranıb. Sputnik Azərbaycan-ın redaksiyasına oxuculardan bir sıra super market və mağazalarda yumurtanın olmaması və bu məhsulunun qiymətinin artmasına dair zənglər daxil olub. Bəs qıtlıq niyə yaranıb?

Yumurta
© Foto : Dövlət Baytarlıq Nəzarəti Xidməti

“Azərbaycanda yumurta defisiti yoxdur və yerli istehsal bu məhsula olan tələbatı tam həcmdə ödəyir”. Bunu Sputnik Azərbaycan-a açıqlamasında Respublika Quşçular Cəmiyyətinin sədri Aydın Vəliyev bildirib. Vəliyevin sözlərinə görə, qida məhsullarının qəbulu bazası olan bəzi böyük supermarketlərin özlərinin mağaza şəbəkəsi var. Artıq quşçuluqla məşğul olan şəxslər öz məhsullarını hər mağazaya gətirmirlər: "Onlar məhsullarını belə bazalara təhvil verirlər. Məhsulun necə paylanmasına görə isə istehsalçı məsuliyyət daşımır. Lakin vurğulamaq istəyirəm ki, hər gün normaya uyğun olaraq yumurta bu obyektlərə təhvil verilir".

Cəmiyyətin sədri vurğulayıb ki, hazırda ölkədə yumurtaya tələbat bir qədər artıb. Ancaq Azərbaycanda yumurta istehsalı nəyinki daxili tələbatı ödəməyə, həmçinin bu məhsulu xarici ölkələrə ixrac etməyə imkan verir: "Adətən Azərbaycan Əfqanıstan, İraq, Qatar və digər ölkələrə ixrac edir".

Məhsulun qiymətinə gəldiksə isə Vəliyev vurğulayıb ki, son 3-4 aylıq dövrdə yumurtanın qiyməti sabit olaraq qalır və istehsalçı tərəfindən 13-15 qəpiyə mağazalara təhvil verilir: "Bizim tərəfimizdən də ticarət obyektlərində hər gün monitorinq keçirilir. Mağazalarda bir yumurta üçün maksimal qiymət 17 qəpikdir. Bəzi mağazalarda yumurta 18 qəpiyə satılır. Çünki bu halda yumurtalar 10 ədədlik qutularda satılır və qutuya çəkilən xərcdə məhsulun üzərinə qoyulur".

Statistika üzrə Dövlət Komitəsinin məlumatına görə, 2017-ci ildə Azərbaycanda 1 milyard 714 milyon yumurta istehsal olunub.

Əlaqədar

Dövlət agentliyindən saxta düyü və yumurta barədə açıqlama
Rəqəmli yumurta görənləri heyrətə saldı
Azərbaycanın toyuq və yumurta idxal etdiyi ölkələrin adları bilindi
Süni yumurta sifariş verdi, görün içindən nə çıxdı – FOTOLAR
Teqlər:
Respublika Quşçular Cəmiyyəti, qıtlıq, Aydın Vəliyev, istehsal, ixrac, yumurta

Əsas mövzular