15:47 22 Noyabr 2018
Canlı yayım
  • USD1.7000
  • RUB0.0259
  • EUR1.9368
İlhamə Qədimova

Mühüm vəzifəyə yeni təyin oldu

© Foto: ASAN Xidmət
CƏMİYYƏT
Qısa URL
612 0 0

İlhamə Qədimova 2018-ci ilin may ayından Kənd Təsərrüfatı Nazirliyinin hüquq şöbəsinin müdiri vəzifəsində çalışıb

BAKI, 24 sentyabr — Sputnik. Azərbaycan Respublikasının Kənd Təsərrüfatı Nazirliyinin Hüquq Şöbəsinin müdiri İlhamə Qədimova nazir müavini təyin edilib.

Sputnik Azərbaycan xəbər verir ki, bu barədə Kənd Təsərrüfatı Nazirliyinin mətbuat xidmətinin rəhbəri Anar Hüseynov Facebook sosial şəbəkəsindəki səhifəsində yazıb.

İlhamə Qədimova Bakı şəhərində anadan olub. 1993-2009-cu illərdə Türkiyə Respublikasının Ankara və Mərmərə Universitetlərində hüquqşünas ixtisası üzrə bakalavr, dövlət hüquqi üzrə maqistratura, doktorantura təhsili və hüquq elmləri üzrə doktor elmi dərəcəsi alıb.

Azərbaycan Respublikası Vəkillər Kollegiyasının üzvüdür.

2010-2012-ci illərdə Prezident yanında Dövlət Qulluğu Komissiyasında hüquqi təminat şöbəsində baş məsləhətçi vəzifəsində çalışıb. 2012-ci il 18 dekabr tarixindən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Hüquqi təminat şöbəsinin müdiri vəzifəsində işləyib. 2018-ci ilin may ayından Kənd Təsərrüfatı Nazirliyinin hüquq şöbəsinin müdiri vəzifəsində çalışıb.

Teqlər:
İlhamə Qədimova, nazir müavini, Kənd Təsərrüfatı Nazirliyi, təyinat

Əsas mövzular