Bakıda “Cib” tipli dayanacaqlar quraşdırılır

BAKI, 7 sentyabr — Sputnik. Bakı şəhərində sərnişinlərin müntəzəm marşrut xətt avtobuslarından rahat və təhlükəsiz istifadəsi üçün zəruri infrastrukturun təşkili işləri davam edir. Azərbaycan Dövlət Tikinti Normaları nəzərə alınaraq, 45 ünvanda "cib" tipli dayanacaq məntəqəsinin təşkilinə başlanılıb.

Sputnik Azərbaycan Bakı Nəqliyyat Agentliyinə istinadən xəbər verir ki, nəzərdə tutulan ünvanlar vətəndaş müraciətləri və Bakı Nəqliyyat Agentliyi mütəxəssislərinin apardığı təhlillər əsasında müəyyən edilib.

Qeyd edək ki, işlərə ilk olaraq Yeni Salyan yolu 22 ünvanında jurnalistlər üçün yeni salınan yaşayış kompleksinin qarşısında və yolun əks tərəfində start verilib.