CƏMİYYƏT
Cəmiyyətin həyatında baş verən aktual hadisələr

Minlərlə insanın gözlədiyi günün dəqiq vaxtı açıqlandı

© Sputnik / Ramil Sitdikov / Mediabanka keçidСтроительство жилищного комплекса, фото из архива
Строительство жилищного комплекса, фото из архива - Sputnik Azərbaycan
Abunə olmaq
Bütün əməliyyatlar "Elektron hökumət" portalı üzərində real vaxt rejimində aparılır və mənzil seçimi prosesi - satışı 5 sentyabr 2018-ci il tarixində başlanacaq

BAKI, 13 avgust — Sputnik. "Güzəştli mənzil" sisteminin sınaq versiyası istifadəyə verilib. Bu barədə Sputnik Azərbaycan-a Mənzil İnşaatı Dövlət Agentliyinin mətbuat xidmətindən məlumat verilib.

Bildirilib ki, agentlik "Güzəştli mənzil" sisteminin istifadəçilərinin mənzil seçimi prosesinin bütün mərhələləri ilə yaxından tanış olmasına, elektron imza sertifikatları və ya texniki avadanlıqlardan istifadə bacarıqlarının formalaşdırılmasına nail olmaq məqsədilə 04.08.2018-ci il tarixində satış modulunun sınaq (demo) versiyasını istifadəyə verib.

İlham Əliyev Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimində iştirak edib - Sputnik Azərbaycan
CƏMİYYƏT
Prezidentdən vətəndaşlara mənzil müjdəsi

"Güzəştli mənzil" sistemində elektron kabinetə sahib olan vətəndaşlar "Elektron hökumət" portalı (www.e-gov.az) üzərindən Elektron İmza (www.e-imza.az) və ya Asan İmza (www.asanimza.az) ilə öz elektron kabinetlərinə daxil olub, onlara təqdim edilmiş xüsusi keçid vasitəsilə satış modulunun sınaq versiyasından istifadə edə bilərlər.

Sınaq versiyasının təlim məqsədli olmasına baxmayaraq, bütün əməliyyatlar "Elektron hökumət" portalı üzərində real vaxt rejimində aparılır və mənzil seçimi prosesi — satışı 5 sentyabr 2018-ci il tarixində başlanacaq Yasamal Yaşayış Kompleksinin 324 mənzilin seçimi ilə identikdir. Elektron kabinetə sahib olan vətəndaşların 9377 nəfər olduğunu nəzərə alaraq, sistem vasitəsilə aparılan əməliyyatlar hər gün müvafiq saatlarda yenilənərək sıfırlanır və seçim üçün təkrarən aktivləşdirilir.

"Güzəştli mənzil" sistemində elektron kabinetə yeni sahib olmuş vətəndaşlar kabinetin yaradılması ilə bağlı qərarın verildiyi tarixin növbəti günündən etibarən satış modulunun sınaq versiyasından istifadə edə bilərlər.

04.08.2018-ci il saat 16.00-dan etibarən 13.08.2018-ci il saat 00.00-dək "Güzəştli mənzil" sistemininin satış modulunun sınaq versiyasından 12 679 dəfə istifadə olunub. Sınaq versiyası vasitəsilə mənzil seçimini həyata keçirən vətəndaşların suallarını cavablandırmaq və istifadə zamanı onların üzləşdiyi texniki çətinliklərə dair müraciətləri ilə bağlı köməklik göstərmək məqsədilə MİDA tərəfindən xüsusi işçi qrup yaradılmışdır. Mənzil seçimi prosesində vətəndaşların Elektron İmza və Asan İmzadan istifadəsi, onlayn imzalayıcı proqramının kompüterlərə yüklənməməsi və digər suallar ilə bağlı 04.08.2018-ci il tarixindən etibarən MIDA-ya və 108 Çağrı Mərkəzinə daxil olan bu müraciətlər işçi qrup tərəfindən emal olunaraq qısa zaman ərzində cavablandırılır və yaranan texniki çətinliklərin aradan qaldırılması üçün zəruri tədbirlər həyata keçirilir.

Qeyd edək ki, Satış modulunun sınaq versiyasının istifadəsi və bununla bağlı göstərilən dəstək xidməti 31 avqust 2018-ci il tarixinədək davam edəcək.

Xəbər lenti
0