CƏMİYYƏT
Cəmiyyətin həyatında baş verən aktual hadisələr

Azərbaycanda rəhbər vəzifə tutmağın şərtləri dəyişdi

© Sputnik / Aleksey Druzhinin / Mediabanka keçidПортфель чиновника, фото из архива
Портфель чиновника, фото из архива - Sputnik Azərbaycan
Abunə olmaq
Birinci-beşinci kateqoriya dövlət orqanlarında vakant rəhbər vəzifələr üçün iş stajına dair tələblər dəyişib

BAKI, 26 iyul — Sputnik. Nazirlər Kabineti “Birinci-beşinci kateqoriya dövlət orqanlarında inzibati vəzifələrin birinci-yeddinci təsnifatlarına uyğun olan vakant vəzifələrin tutulmasının Ümumi Şərtləri”ndə dəyişikliklər edib. 

APA-nın məlumatına görə, dəyişikliklərə əsasən birinci-beşinci kateqoriya dövlət orqanlarında inzibati vəzifələrin birinci-altıncı təsnifatlarına uyğun olan vakant vəzifələrin tutulması zamanı rəhbər vəzifələrlə bağlı iş stajına dair xüsusi tələblər ləğv edilib. 

Məsələn, indiyə qədər inzibati vəzifələrin birinci təsnifatında aparat rəhbəri vəzifənin qulluq funksiyalarını nəzərə alaraq dövlət qulluğunda rəhbər vəzifələr üzrə 5 ildən az olmamaqla, 8 il qulluq stajı və yaxud rəhbər vəzifələr üzrə 7 ildən az olmamaqla 11 il iş stajına malik olmalı idi. Dəyişikliyə əsasən artıq iş stajına dair yalnız vəzifənin qulluq funksiyalarını nəzərə alaraq dövlət qulluğunda 8 il qulluq stajı və yaxud 11 il iş stajı tələb olunacaq. Başqa sözlə, birinci-beşinci kateqoriya dövlət orqanlarında inzibati vəzifələrin birinci-altıncı təsnifatlarına uyğun vakant rəhbər vəzifə üçün həmin şəxsin əvvəllər rəhbər vəzifələr üzrə qulluq və yaxud iş stajına malik olması tələb edilməyəcək. Sadəcə, dövlət qulluğunda qulluq stajı və yaxud iş stajı tələb olunacaq. Beləliklə, rəhbər vəzifələrdə çalışmamış şəxslər də birinci-beşinci kateqoriya dövlət orqanlarında inzibati vəzifələrin birinci-altıncı təsnifatlarına uyğun olan vakant rəhbər vəzifələr tuta biləcəklər. 

Xəbər lenti
0