CƏMİYYƏT
Cəmiyyətin həyatında baş verən aktual hadisələr

Ət kəsimi məntəqələri bağlanır, reydlər başladı

© Sputnik / Irade JELILƏt kəsimi
Ət kəsimi - Sputnik Azərbaycan
Abunə olmaq
Daxili İşlər Nazirliyi və yerli icra hakimiyyəti orqanları birlikdə reydlərə başladı

BAKI, 18 iyul — Sputnik. Qida Təhlükəsizliyi Agentliyi (AQTA) qida təhlükəsizliyi tələblərinə, sanitar-gigiyenik normalara uyğun olmayan heyvan kəsimi məntəqələrinin fəaliyyətini dayandırmaq üçün Daxili İşlər Nazirliyi və yerli icra hakimiyyəti orqanları ilə birlikdə reydlərə başlayıb.

Sputnik Azərbaycan-a bu barədə AQTA-nın İnformasiya təminatı və innovativ həllər şöbəsindən məlumat verilib.

“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 11 iyun 2018-ci il tarixli Sərəncamının icrası ilə əlaqədar Qida Təhlükəsizliyi Agentliyi baytarlıq-sanitariya və gigiyena normalarına cavab verməyən yerlərdə, küçələrdə, yol kənarlarında heyvan kəsimi ilə məşğul olan şəxslərdən qanunsuz fəaliyyətlərini dayandırmağı tələb edib.

Bildirilib ki, qanunvericiliyin tələblərinə uyğun olaraq Azərbaycan Respublikasının Daxili İşlər Nazirliyi və yerli icra hakimiyyəti orqanları ilə birlikdə bu cür fəaliyyətlərin aradan qaldırılması üçün reydlər davam etdiriləcəcək və qanunla müəyyən olunmuş qaydada ciddi tədbirlər həyata keçiriləcəcək.

Xəbər lenti
0