20:36 16 Dekabr 2018
Canlı yayım
  • USD1.7000
  • RUB0.0256
  • EUR1.9314
Наручники и деньги, фото из архива

Əmanətçilərin 100 milyon manatını oğurlamaqda günahlandırılan bankir saxlanıldı

© Sputnik / Anar Mustafayev
CƏMİYYƏT
Qısa URL
7300

Bir neçə gün əvvəl mətbuatda yayılmış məlumatda Zeynalovun 100 milyon manat oğurluq vəsaitlə ölkəni tərk etdiyi deyilirdi

BAKI, 21 iyun — Sputnik. “GünayBank”ın keçmiş sədr müavini, bankda qeyri-leqal pul dövriyyəsi sxemi qurub onlarla adamın 100 milyon manata yaxın vəsaitini mənimsəməkdə günahlandırılan Emin Zeynalov saxlanılıb. Virtualaz.org-a məlum olub ki, onu DİN-in Baş Mütəşəkkil Cinayətkarlıqla Mübarizə İdarəsinin əməkdaşları saxlayıblar.

Məlumatda deyilir: "Emin Zeynalovun ötən ilin aprelində “GünayBank” ASC-nin idarə heyətinin sədr müavini təyin edilməsindən sonra banka uçota alınmayan on milyonlarla manat vəsait cəlb etdiyi və bu qeyri-leqal depozitlərə görə sahiblərinə hər ay 1-3 faiz pul ödədədiyi, amma bir müddət sonra vəsaitlərlə birlikdə yoxa çıxdığı haqda saytımız bir neçə gün əvvəl yaymışdı. Məlumatlara görə Zeynalov pulları online valyuta birjası “Forex”-ə yatırıb və iri məbləğdə ziyana düşüb. Onun bankın Müşahidə Şurasının sədri və səhmlərinin 90 faizə yaxınının sahibi Mahmud Məmmədova da milyonlarla manat borcu yaranıb. Zərərçəkənlər Zeynalovun barəsində hüquq-mühafizə orqanlarına müraciət ediblər.

Lakin bu məlumatlar və qeyri-leqal pul dövriyyəsi sxemi haqda mətbuatda yazılanlardan sonra E.Zeynalov ötən gün saytlardan birinə açıqlama verib. Deyib ki, barəsində yayılan məlumatlara görə DİN-in Baş Mütəşəkkil Cinayətkarlıqla Mübarizə İdarəsinə şikayət edib və “tədbir görülməsini” istəyib. İndi isə məlum olur ki, idarə bu irimiqyaslı maxinasiyaya yol vermiş bankirin özünü saxlayıb".

Xatırladaq ki, bir neçə gün əvvəl mətbuatda yayılmış məlumatda Zeynalovun 100 milyon manat oğurluq vəsaitlə ölkəni tərk etdiyi deyilirdi. Bank isə bu məlumatları təkzib etmişdi.

Əlaqədar

Yeni diplomatik müharibə başlayır, həbs qərarları çıxarılıb
ABŞ-da gündəmi dəyişəcək həbs: Trampın yaxın adamı...
Azərbaycanlı icra başçısı həbs edildi
Uşaqlara işgəncə verən tərbiyəçi həbs edildi
Qaçaq yolla Belarusa keçən azərbaycanlı həbs edildi

Əsas mövzular