CƏMİYYƏT
Cəmiyyətin həyatında baş verən aktual hadisələr

Polkovnik-leytenant: “Naxçıvanda mühüm strateji yüksəkliklər işğaldan azad edilib”

© AR Ministry of DefenseNaxçıvanda Azərbaycan-Türkiyə birgə hərbi təlimləri
Naxçıvanda Azərbaycan-Türkiyə birgə hərbi təlimləri - Sputnik Azərbaycan
Abunə olmaq
“Dəniz səviyyəsindən 1683 metr hündürlükdə yerləşən Qızılqaya yüksəkliyinin ən böyük strateji əhəmiyyəti isə ordumuza İrəvan-Yexeqndzor-Gorus-Laçın-Xankəndi avtomobil yoluna nəzarət etməyə imkan verməsidir"

BAKI, 10 ityun — Sputnik. Naxçıvan Muxtar Respublikasının Şərur rayonunun Günnüt kəndi və ətrafındakı mühüm strateji əhəmiyyətli yüksəkliklərin Əlahiddə Ümumqoşun Ordunun əks-həmlə əməliyyatları ilə işğaldan azad edilməsi ordumuzun bu istiqamətdə daha əlverişli mövqelərə sahib olmasına imkan verib.

Raket və Artilleriya Qoşunlarının silah və hərbi texnikası atəş mövqelərinə çıxarılıb - Sputnik Azərbaycan
Azərbaycan Ordusu cəbhə bölgəsində cəmləşdi - VİDEO

Sputnik Azərbaycan istinadla xəbər verir ki, bu sözləri AZƏRTAC-a müsahibəsində ehtiyatda olan polkovnik-leytenant Dilsuz Əliyev deyib.

Onun sözlərinə görə, Xunut dağının, Ağbulaq yüksəkliyinin, Qızılqaya dağının və Mehridağın işğaldan azad edilməsi Dərələyəz mahalının Arpa kəndinin (ermənilər adını dəyişdirərək "Areni" qoyublar) Əlahiddə Ümumqoşun Ordunun nəzarətində olması ilə nəticələnib. Bu, böyük hərbi nailiyyətdir.

"Dəniz səviyyəsindən 1683 metr hündürlükdə yerləşən Qızılqaya yüksəkliyinin ən böyük strateji əhəmiyyəti isə ordumuza İrəvan-Yexeqndzor-Gorus-Laçın-Xankəndi avtomobil yoluna nəzarət etməyə imkan verməsidir. Bununla həm də strateji əhəmiyyətli Arpaçay Su Dəryaçasının taktiki cəhətdən etibarlı mühafizəsinin təşkili üçün hakim yüksəkliklərdə yeni müdafiə mövqeləri qurulmuş oldu ki, bu da çox önəmlidir", — deyən ehtiyatda olan polkovnik-leytenant vurğulayıb. O deyib ki, Əlahiddə Ümumqoşun Ordunun böyük hərbi üstünlük əldə etməsi düşməni ciddi narahat edir, onlarda təşviş yaradır.

© Photo : AZƏRTACEhtiyatda olan polkovnik-leytenant Dilsuz Əliyev
Ehtiyatda olan polkovnik-leytenant Dilsuz Əliyev - Sputnik Azərbaycan
Ehtiyatda olan polkovnik-leytenant Dilsuz Əliyev

Muxtar respublikanın təhlükəsizliyinin etibarlı şəkildə qorunduğunu qeyd edən Dilsuz Əliyev bildirib ki, Naxçıvandakı birləşmə və hissələrimizin döyüş qabiliyyəti və peşəkarlığı, şəxsi heyətin mənəvi-psixoloji hazırlığı dünyanın qabaqcıl orduları ilə müqayisə olunur. Ötən ay qardaş ölkənin Qars şəhərində keçirilmiş Türkiyə-Azərbaycan genişmiqyaslı birgə taktiki təlimi bunu bir daha təsdiq edir.

Genişmiqyaslı təlimlərin döyüş atışlı mərhələsi - Sputnik Azərbaycan
CƏMİYYƏT
Azərbaycan ordusu döyüş atışı həyata keçirdi – VİDEO
 Təlimdə Əlahiddə Ümumqoşun Ordudan cəlb edilmiş bölmələr bütün döyüş tapşırıqlarını uğurla yerinə yetirərək yüksək nəticələr göstəriblər.

O deyib: "Güclü maddi-texniki təminat və xalq-ordu birliyi hərbi qulluqçuların döyüş əzmini daha da artırır. Naxçıvan Muxtar Respublikası Ali Məclisinin Sədri Vasif Talıbov dəfələrlə muxtar respublikadakı hərbi hissələrə, buradakı hakim yüksəkliklərə gələrək xidmətin təşkili və şəxsi heyətin məişət şəraiti ilə maraqlanıb. Bu, hərbçilərimizdə böyük ruh yüksəkliyi yaradır. Bundan başqa, hərbi potensialın gücləndirilməsi məqsədilə Əlahiddə Ümumqoşun Ordu ən müasir silahlar, Naxçıvanın coğrafi yerləşməsinə, relyefinə uyğun olan müasir texnikalarla təchiz edilib. Bütün bunlar Azərbaycan Prezidenti, Ali Baş Komandan İlham Əliyevin diqqət və qayğısı sayəsində mümkün olub".

Xəbər lenti
0