Şahpəri Abbasova, Sputnik Azərbaycan
BAKI, 1 iyun— Sputnik. Zaqatala Rayon Polis Şöbəsinin əməkdaşlarının rayon ərazisində keçirdikləri əməliyyat-axtarış tədbiri zamanı rayon sakini Nail Hüseynov şübhəli şəxs qismində saxlanılıb.
Sputnik Azərbaycan-ın bölgə müxbirinin verdiyi məlumata görə, tutulan şəxsin üzərinə baxış zamanı 1,9 qram narkotik vasitə hesab edilən qurudulmuş marixuana aşkar olunaraq götürülüb. Rayon sakininin yaşadığı evə baxış zamanı isə 115 qram qurudulmuş marixuana aşkarlanıb.
Qeyd edək ki, adıçəkilən şəxs əvvəllər də narkotik vasitələrin qanunsuz dövriyyəsinə görə məhkumluq həyatı yaşayıb.
Faktla bağlı Zaqatala RPŞ-də araşdırma aparılır.
