CƏMİYYƏT
Cəmiyyətin həyatında baş verən aktual hadisələr

Astarada narkoşəbəkə aşkar edildi: Silah və narkotik tutuldu

© Sputnik / Rahim MuradovAstara Rayon Polis şöbəsi
Astara Rayon Polis şöbəsi - Sputnik Azərbaycan
Abunə olmaq
Külli miqdarda narkotik vasitə olan heroin və metamfetamin aşkar edilərək götürülüb

Rahim Zakiroğlu, Sputnik Azərbaycan

BAKI, 26 may — Sputnik. Astara Rayon Polis Şöbəsinin əməkdaşları Azərbaycan Respublikası Cinayət Məcəlləsinin bir neçə maddəsi ilə axtarışda olan Ərçivan kənd sakini Dəyanət Əliyevi saxlayıb.

Sputnik Azərbaycan-ın bölgə müxbirinin DİN Mətbuat Xidmətinin Lənkəran Regional Qrupundan əldə etdiyi məlumata görə, D.Əliyev saxlanılarkən üzərində olan lüləsi və qundağı kəsilmiş ov tüfəngi ilə polisə müqavimət göstərmək istəyib. O, polis əməkdaşlarının peşəkarlığı nəticəsində saxlanılaraq şöbəyə gətirilib.

© Sputnik / Rahim MuradovLüləsi və qundağı kəsilmiş ov tüfəngi
Lüləsi və qundağı kəsilmiş ov tüfəngi - Sputnik Azərbaycan
1/3
Lüləsi və qundağı kəsilmiş ov tüfəngi
© Sputnik / Rahim Muradov3 ədəd patron, qundağı və lüləsi kəsilmiş ov tüfəngi, eləcə də külli miqdarda narkotik vasitə olan heroin və metamfetamin aşkar edilərək götürülüb
3 ədəd patron, qundağı və lüləsi kəsilmiş ov tüfəngi, eləcə də külli miqdarda narkotik vasitə olan heroin və metamfetamin aşkar edilərək götürülüb - Sputnik Azərbaycan
2/3
3 ədəd patron, qundağı və lüləsi kəsilmiş ov tüfəngi, eləcə də külli miqdarda narkotik vasitə olan heroin və metamfetamin aşkar edilərək götürülüb
© Sputnik / Rahim MuradovSaxlanılan şəxslər
Saxlanılan şəxslər - Sputnik Azərbaycan
3/3
Saxlanılan şəxslər
1/3
Lüləsi və qundağı kəsilmiş ov tüfəngi
2/3
3 ədəd patron, qundağı və lüləsi kəsilmiş ov tüfəngi, eləcə də külli miqdarda narkotik vasitə olan heroin və metamfetamin aşkar edilərək götürülüb
3/3
Saxlanılan şəxslər

D.Əliyevin üzərinə baxış keçirilən zaman 3 ədəd patron, qundağı və lüləsi kəsilmiş ov tüfəngi, eləcə də satış məqsədilə üzərində gəzdirdiyi külli miqdarda narkotik vasitə olan heroin və metamfetamin aşkar edilərək götürülüb. Aparılan araşdırmalardan sonra məlum olub ki, Dəyanət Əliyev həmin narkotik vasitəni Astara şəhər sakini Ramin Məmmədovdan əldə edib. Keçirilən əməliyyat-axtarış tədbirləri nəticəsində saxlanılan R.Məmmədovun üzərindən külli miqdarda heroin aşkar edilərək götürülüb.

Araşdırma zamanı o da məlum olub ki, D.Əliyev əldə etdiyi  narkotik vasitənin satışını həmkəndlisi, Ərçivan kənd sakini Erik Rubçov vasitəsilə həyata keçirirmiş. Polis əməkdaşları tərəfindən saxlanılan E.Rubçov saxlanılarkən üzərindən külli miqdarda narkotik vasitə olan heroin aşkar edilərək götürülüb.

Qeyd edək ki, hər üç şəxs barəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanılıb.

Xəbər lenti
0